ഉമ്മൻചാണ്ടിക്കൊപ്പമുള്ള ചിത്രം; മുൻ യൂത്ത് കോൺഗ്രസ് നേതാവിനെതിരെ സൈബർ ആക്രമണം

തിരുവനന്തപുരം: രാഹുൽ മാങ്കൂട്ടത്തിൽ വിഷയത്തിനിടെ മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായിരുന്ന ഉമ്മൻചാണ്ടിക്കൊപ്പമുള്ള ചിത്രം പങ്കുവെച്ച കെപിസിസി അം​ഗത്തിനെതിരെ സൈബർ ആക്രമണം. മുൻ യൂത്ത് കോൺ​ഗ്രസ് നേതാവായിരുന്ന ജെ എസ് അഖിലാണ് മാങ്കൂട്ടത്തിലിന്റെ മുൻകൂർ ജാമ്യാപേക്ഷ കോടതി തള്ളിയതിന് പിന്നാലെ സോഷ്യൽമീഡിയിൽ ചിത്രം പോസ്റ്റ് ചെയ്തത്. എന്നാൽ മാങ്കൂട്ടത്തിലിന്റെ പിആർ സംഘവും കോൺ​ഗ്രസിലെ ഒരുവിഭാ​ഗവും രൂക്ഷമായ വിമർശനമാണ് അഖിലിനെതിരെ നടത്തുന്നത്.

ഷാഫി പറമ്പിലിന് ശേഷം യൂത്ത് കോൺ​ഗ്രസ് സംസ്ഥാന അധ്യക്ഷനായി അഖിലിനെയായിരുന്നു ഉമ്മൻചാണ്ടി നിർദേശിച്ചത്. എന്നാൽ ഇതിനെ ശക്തമായി എതിർത്ത്, മാങ്കൂട്ടത്തിലിനായി ചരടുവലിച്ചു. സംഘടനാ തെരഞ്ഞെടുപ്പിൽ തെരഞ്ഞെടുപ്പ് കമീഷന്റെ ഐഡി കാർഡ് വ്യാജമായി നിർമിച്ച് വോട്ട് നേടിയായിരുന്നു മാങ്കൂട്ടത്തിലിന്റെ വിജയം. ഇതിൽ അന്വേഷണം തുടരുകയാണ്.

ബലാത്സം​ഗം, നിർബന്ധിതയും അശാസ്ത്രീയവുമായ ​ഗർഭഛിദ്രം കേസുകളിൽ കോൺ​ഗ്രസ് എംഎൽഎ രാഹുൽ മാങ്കൂട്ടത്തിലിന്റെ മുൻകൂർ ജാമ്യാപേക്ഷ വ്യാഴാഴ്ചയാണ് തിരുവനന്തപുരം പ്രിന്ഡസിപ്പൽ സെഷൻസ് കോടതി തള്ളിയത്.