കായികമേളയിലെ വീഴ്ച; ഡിഡിഇ ഓഫീസ് ഉപരോധിച്ച ഡിവൈഎഫ്ഐ പ്രവർത്തകരെ ബലംപ്രയോ​ഗിച്ച് നീക്കി

തൃശ്ശൂർ : സംസ്ഥാന സ്കൂൾ കായികമേളയിലുണ്ടായ വീഴ്ചയിൽ പ്രതിഷേധിച്ച് തൃശ്ശൂർ ഡിഡിഇ ഓഫീസ് ഉപരോധിച്ച ഡിവൈഎഫ്ഐ പ്രവർത്തകരെ പൊലീസ് അറസ്റ്റ് ചെയ്ത് നീക്കി. ഡിഡിഇ ഓഫീസിന് മുന്നിൽ കുത്തിയിരുന്ന് പ്രതിഷേധിച്ച പ്രവർത്തകരെ ബലംപ്രയോ​ഗിച്ച് നീക്കുകയായിരുന്നു.

സ്കൂൾ കായികമേളയുമായി ബന്ധപ്പെട്ട് നീന്തൽ മത്സരവേദിയിലെ മേൽക്കൂര തകർന്നുവീണ സംഭവത്തിലായിരുന്നു പ്രതിഷേധം. ഡിവൈഎഫ്ഐ സെക്രട്ടറി റോസൽ രാജിൻ്റെ നേതൃത്വത്തിലാണ് ഓഫീസ് ഉപരോധിച്ചത്.