മലപ്പുറത്ത് ബൈക്കും സ്കൂട്ടറും കൂട്ടിയിടിച്ച് അപകടം:​ ഒരാൾ​ മരിച്ചു

മലപ്പുറം: മലപ്പുറം പാണക്കാട്​ തൂക്കുപാലത്തിന്​ സമീപം ബൈക്കും സ്കൂട്ടറും കൂട്ടിയിടിച്ച്​ യുവാവ്​ മരിച്ചു. ബൈക്ക്​ യാത്രികനായ വട്ടപറമ്പ്​ സ്വദേശി മൊയ്​യീൻകുട്ടി (35)ആണ്​ മരിച്ചത്​. ഇന്ന് വൈകിട്ട്‌ ആറോടെയാണ് അപകടം. ഗുരുതരമായി പരിക്കേറ്റ മൊയ്തീൻകുട്ടിയെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കോട്ടപ്പടിയിലെ സിക്സ്​ സ്റ്റാർ കൂർബാറിലെ ജീവനക്കാരനാണ്​.

കൂൾബാർ അവധിയായതിനാൽ താൽക്കാലികമായി കോട്ടപ്പടി ആശുപത്രി കാന്റീനിൽ ജോലിചെയ്‌തിരുന്നു. ജോലി കഴിഞ്ഞ്​ നോമ്പ്​ തുറക്കാൻ വീട്ടിലേക്ക്​ മടങ്ങുമ്പോഴാണ്‌ അപകടം. സ്​കൂട്ടർ യാത്രികർക്കും പരിക്കേറ്റിട്ടുണ്ട്​. അച്ഛൻ​: പരി മായിൻകുട്ടി. അമ്മ: റുഖിയ. ഭാര്യ: ഫാത്തിമ. രണ്ടുമക്കളുണ്ട്. സഹോദരങ്ങൾ: അബ്ദുൽ നാസർ, മുഹമ്മദ് റാഷിക്. മൃതദേഹം കോട്ടക്കലിലെ സ്വകാര്യ ആശുപത്രിയിൽ.