മൂന്നാം നിലയിൽ നിന്ന് കാൽവഴുതി വീണു; ബംഗളൂരുവിൽ മലയാളി വിദ്യാർഥിനിക്ക് ദാരുണാന്ത്യം

ബം​ഗളൂരു: അപ്പാർട്മെന്റിന്റെ മൂന്നാം നിലയിലെ ബാൽക്കണിയിൽ നിന്നു വീണ് ബം​ഗളൂരുവിൽ മലയാളി വിദ്യാർഥിനി മരിച്ചു. കാൽവഴുതി വീണതാണെന്നാണ് റിപ്പോർട്ട്. കണ്ണൂർ മൊകേരി വൈറ്റ്ഹൗസിൽ എ രാജേഷിന്റെ മകൾ അൻവിത (18)യാണ് മരിച്ചത്. വൈറ്റ്ഫീൽഡ് സൗപർണിക സരയു അപ്പാർട്മെന്റിലാണ് അൻവിത താമസിക്കുന്നത്.

ഞായറാഴ്ച രാത്രിയാണ് മരണം സംഭവിച്ചത്. ക്രൈസ്റ്റ് ഡീംഡ് ടു ബി സർവകലാശാലയിൽ ബികോം ഒന്നാം വർഷ വിദ്യാർഥിനിയാണ്. സംസ്കാരം ഇന്ന് മൊകേരിയിലെ വീട്ടുവളപ്പിൽ. മാതാവ്: വിനി. സഹോദരൻ: അർജുൻ.