തൊലിപ്പുറത്തെ ചികിത്സ മതിയാവില്ല, പാർടി നടപടിയെടുക്കുമെന്നാണ് പ്രതീക്ഷ: തിരുവഞ്ചൂർ രാധാകൃഷ്ണൻ

കോട്ടയം: രാഹുൽ മാങ്കൂട്ടത്തിലിനെതിരെ ജനങ്ങൾക്ക് തൃപ്തികരമാകുന്ന രീതിയിൽ പാർടി നടപടിയെടുക്കണമെന്ന് കോൺ​ഗ്രസ് നേതാവ് തിരുവഞ്ചൂർ രാധാകൃഷ്ണൻ. തൊലിപ്പുറത്തെ ചികിത്സ സാധ്യമല്ല. സ്വാഭാവികമായും പാർടി നടപടിയുണ്ടാകും. കോൺ​ഗ്രസ് വിട്ടുവീഴ്ചയില്ലാത്ത നടപടിയെടുക്കുമെന്നാണ് പ്രതീക്ഷിക്കുന്നതെന്നും ആദ്ദേഹം വ്യക്തമാക്കി.

രാഹുൽ പുകഞ്ഞ കൊള്ളിയാണെന്നും ശക്തമായ നടപടിയെടുക്കുമെന്നും മുതിർന്ന കോൺഗ്രസ് നേതാവ് കെ മുരളീധരൻ മാധ്യമങ്ങളോട് വ്യക്തമാക്കിയിരുന്നു. പാർടി ഏൽപ്പിച്ചത് ജനങ്ങളെ സേവിക്കാനാണെന്നും അല്ലാതെ മതിലുചാടാനല്ലെന്നും മുതിർന്ന കോൺ​ഗ്രസ് നേതാവ് കെ മുരളീധരൻ പറഞ്ഞു.