ഹാലണ്ടിന് ഇരട്ട​ഗോൾ; ഇറാഖിനെ തകർത്ത് നോർവെ

ബോസ്റ്റൺ : അരങ്ങേറ്റ മത്സരത്തിൽ ഇരട്ട​ഗോളുമായി സൂപ്പർ താരം എർലിങ് ഹാലണ്ട് തിളങ്ങിയതോടെ നോർവെയ്ക്ക് തകർപ്പൻ ജയം. ഗ്രൂപ്പ് ഐയിൽ നടന്ന മത്സരത്തിൽ ഒന്നിനെതിരേ നാലു ഗോളുകൾക്ക് ഇറാഖിനെ തകർത്തു. 28 വർഷങ്ങൾക്കു ശേഷം ലോകകപ്പിനെത്തിയ നോർവെയെ ഹാലണ്ടിന്റെ ​ഗോളുകളാണ് ആദ്യ വിജയത്തിലെത്തിച്ചത്. 1998ലാണ് നോർവേ അവസാനമായി ലോകകപ്പിനെത്തിയത്.

29,43 മിനിറ്റുകളിലായിരുന്നു ഹാലണ്ടിന്റെ ഗോളുകൾ. 76–ാം മിനിറ്റിൽ ലിയോ ഓസ്റ്റിഗാർഡും ഇഞ്ചുറി ടൈമിൽ ക്രിസ്റ്റ്യൻ തോർസ്റ്റൈറ്റും നോർവെയ്ക്കായി ​ഗോളടിച്ചതോടെ മികച്ച മാർജിനിൽ ടീം ജയിച്ചുകയറി. 39-ാം മിനിറ്റിൽ ഐമെൻ ഹുസൈനാണ് ഇറാഖിന്റെ ആശ്വാസ​ഗോൾ നേടിയത്.