വാക്കത്തോണും അർധ മാരത്തണും

സലാല : ഒമാന്റെ 55–-ാം ദേശീയ ദിനത്തോടനുബന്ധിച്ച് സംഘടിപ്പിക്കുന്ന വാക്കത്തോണും അർധ മാരത്തണും വെള്ളിയാഴ്‌ച നടന്നു. പുലർച്ചെ 4.30ന് ലൈഫ് ലൈൻ ആശുപത്രി പരിസരത്തുനിന്ന്‌ ആരംഭിച്ച പരിപാടി അൽ നാസർ ക്ലബ്ബ് ഗ്രൗണ്ടിലുള്ള ഫാസ് അക്കാദമിയിൽ സമാപിച്ചു. ഒമാൻ ആരോഗ്യ മന്ത്രാലയം, സലാല ഹെൽത്ത് സിറ്റി, ലൈഫ് ലൈൻ ആശുപത്രി, ഫാസ് അക്കാദമി എന്നിവർ സംയുക്തമായാണ്‌ പരിപാടി സംഘടിപ്പിച്ചത്‌.

സലാല ഹെൽത്ത് സിറ്റി എക്സിക്യൂട്ടീവ് ഓഫീസർ സാലിം അഹമ്മദ് ഹാർദാൻ, അലി മുഹമ്മദ് ജാബൂബ്, ഇന്ത്യൻ എംബസി കോൺസുലർ ഏജന്റ് ഡോ. കെ സനാതനൻ, ലൈഫ് ലൈൻ ആശുപത്രി മാർക്കറ്റിങ്‌ മാനേജർ അഹമ്മദ് ഷബീർ, ബിസിനസ് ഡെവലപ്മെന്റ്‌ മാനേജർ കെ എൻ ഷബീർ, ഫാസ് അക്കാദമി ഡയറക്‌ടർ ജംഷാദ് അലി എന്നിവർ ചടങ്ങിൽ പങ്കെടുത്തു.