എഴുത്തുകാരി ബി സരസ്വതി അന്തരിച്ചു

കോട്ടയം: എഴുത്തുകാരിയും അധ്യാപികയുമായിരുന്ന ബി സരസ്വതിയമ്മ (94) അന്തരിച്ചു. ഏറ്റുമാനൂരിലെ വസതിയിൽ ഇന്ന് ഉച്ചതിരിഞ്ഞ് ആയിരുന്നു അന്ത്യം. കിടങ്ങൂർ എൻഎസ്എസ് ഹൈസ്കൂൾ ഹെഡ്മിസ്ട്രസായി വിരമിച്ചു. പ്രശസ്ത സാഹിത്യകാരൻ കാരൂർ നീലകണ്‌ഠപ്പിള്ളയുടെ മകളാണ്. ഭർത്താവ് പരേതനായ എം ഇ നാരായണക്കുറുപ്പ്. പ്രശസ്ത സിനിമാറ്റോഗ്രാഫറും ചലച്ചിത്രസംവിധായകനുമായ വേണു, കോട്ടയം മുൻ എസ് പി എൻ രാമചന്ദ്രന എന്നിവരാണ് മക്കൾ. മരുമക്കൾ: ബീന പോൾ വേണുഗോപാൽ(ഫിലിം എഡിറ്റർ), അപർണ രാമചന്ദ്രൻ. സംസ്കാരം നാളെ ഏറ്റുമാനൂർ കാരൂർ വീട്ടിൽ.