ദുബായിൽ ബിസിനസ്‌ മീറ്റിൽ പങ്കെടുത്ത്‌ മുഖ്യമന്ത്രി

ദുബായ്‌: യുഎഇ സന്ദർശനത്തിനായി ദുബായിൽ എത്തിയ മുഖ്യമന്ത്രി പിണറായി വിജയൻ ബിസിനസ്‌ മീറ്റിൽ സംവദിച്ചു. മലയാളികൾ ഉൾപ്പെടെ നൂറോളം പേരാണ് ‘ഓർമ’ സംഘടിപ്പിച്ച മീറ്റിൽ പങ്കെടുത്തത്‌. മന്ത്രി സജി ചെറിയാൻ, ചീഫ്‌ സെക്രട്ടറി ഡോ. എ ജയതിലക്‌, എൻ കെ കുഞ്ഞഹമ്മദ്‌ തുടങ്ങിയവർ പങ്കെടുത്തു.

ദുബായിലെ സംരംഭകർ ഉൾപ്പെടെയുള്ളവരാണ്‌ മീറ്റിൽ ഭാ​ഗമായത്. വിവിധ വിഷയങ്ങൾ പ്രതിനിധികൾ പങ്കുവെച്ചു. എല്ലാം വിശദമായി കേട്ട മുഖ്യമന്ത്രിയുടെ മറുപടിക്കായി പ്രതീക്ഷയോടെയാണ്‌ എല്ലാവരും കാത്തിരിക്കുന്നത്‌.

ഇന്ന്‌ വൈകിട്ട്‌ നടക്കുന്ന കേരളോത്സവം മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. മന്ത്രി സജി ചെറിയാൻ, ചീഫ്‌ സെക്രട്ടറി ഡോ. എ ജയതിലക്‌, നോർക്ക റൂട്‌സ്‌ വൈസ്‌ ചെയർമാൻ എം യൂസഫലി തുടങ്ങിയവർ സംസാരിക്കും.