14 June Monday

കാലവർഷം 
നാളെമുതൽ ശക്തമാകും ; 11 ജില്ലയിൽ മഞ്ഞ അലർട്ട്‌

വെബ് ഡെസ്‌ക്‌Updated: Thursday Jun 10, 2021

ജൂൺ ആദ്യവാരം എത്തുമെന്ന് പ്രവചിച്ച കാലവർഷം ഇനിയും മടിച്ചുനിൽക്കുന്നു. രാമക്കൽമേട്ടിലെ വേഴാമ്പൽ കോട്ടയ്ക്കകത്തുനിന്നുള്ള ദൃശ്യം ഫോട്ടോ: വി കെ അഭിജിത്


തിരുവനന്തപുരം
സംസ്ഥാനത്ത്‌ വെള്ളിയാഴ്‌ചമുതൽ കാലവർഷം ശക്തമാകുമെന്ന്‌ കാലാവസ്ഥാവകുപ്പ്‌. ഞായറാഴ്‌ച വടക്കൻ ജില്ലകളിൽ അതിശക്തമായ മഴയ്‌ക്ക്‌ സാധ്യതയുള്ളതിനാൽ ഓറഞ്ച്‌ അലർട്ട്‌ പ്രഖ്യാപിച്ചു. വെള്ളിയാഴ്‌ച കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർകോട്‌ ജില്ലകളിലും ശനിയാഴ്‌ച കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്‌ ജില്ലകളിലും മഞ്ഞ അലർട്ട്‌ (ശക്തമായ മഴ) പ്രഖ്യാപിച്ചു.

ഞായറാഴ്‌ച മലപ്പുറം, കോഴിക്കോട്‌, വയനാട്‌, കണ്ണൂർ, കാസർകോട്‌, ഇടുക്കി ജില്ലകളിലാണ്‌ ഓറഞ്ച്‌ അലർട്ട്‌. തിരുവനന്തപുരം ഒഴിച്ചുള്ള ജില്ലകളിൽ മഞ്ഞ അലർട്ടുമുണ്ട്‌. വെള്ളിയാഴ്‌ചമുതൽ ഞായറാഴ്‌ചവരെ കേരളം,- കർണാടകം, ലക്ഷദ്വീപ് തീരങ്ങളിൽ മണിക്കൂറിൽ 50 കിലോ മീറ്റർവരെ വേഗത്തിൽ കാറ്റിന്‌ സാധ്യതയുള്ളതിനാൽ മീൻപിടിത്തത്തിന്‌ പോകരുത്‌. വ്യാഴാഴ്‌ച രാത്രി 11.30 വരെ കേരള തീരത്ത്‌ 3.2 മീറ്റർവരെ ഉയരത്തിൽ തിരമാലയ്‌ക്ക്‌ സാധ്യതയുണ്ട്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top