മലപ്പുറം
ജീവനക്കാരുടെയും അധ്യാപകരുടെയും ജനാധിപത്യ അവകാശങ്ങൾ കവർന്നെടുക്കുന്ന കേന്ദ്ര സർക്കാർ ഉത്തരവ് പിൻവലിക്കണമെന്നാവശ്യപ്പെട്ട് എഫ്എസ്ഇടിഒ നേതൃത്വത്തിൽ ജീവനക്കാരും അധ്യാപകരും പ്രതിഷേധിച്ചു. പണിമുടക്ക്, ധർണ, കൂട്ടഅവധിയെടുക്കൽ തുടങ്ങിയ പ്രതിഷേധ പരിപാടികളിൽ ജീവനക്കാർ പങ്കെടുക്കുന്നതിനെതിരെയുള്ള വിലക്കിനും ലംഘിക്കുന്നവർക്കെതിരെയുള്ള കർശന നടപടിയിലും പ്രതിഷേധിച്ച് ജില്ല–-താലൂക്ക് കേന്ദ്രങ്ങളിൽ പ്രകടനം നടത്തി. മലപ്പുറം സിവിൽ സ്റ്റേഷനിലെ പ്രതിഷേധം കെഎസ്ടിഎ സംസ്ഥാന എക്സിക്യൂട്ടീവ് അംഗം ആർ കെ ബിനു ഉദ്ഘാടനംചെയ്തു. എഫ്എസ്ഇടിഒ ജില്ലാ സെക്രട്ടറി കെ വിജയകുമാർ, കെഎംസിഎസ്യു ജില്ലാ പ്രസിഡന്റ് ഇ പ്രദീപൻ, പി വിശ്വനാഥൻ എന്നിവർ സംസാരിച്ചു. വി പി സിനി, സി ഹരിദാസൻ, കെ ഫസലുറഹ്മാൻ (പൊന്നാനി), ആർ പി ബാബുരാജ്, എം പി വത്സരാജ്, പി വിജയൻ (തിരൂർ), എ ശ്രീധരൻ, പി മോഹൻദാസ്, സി ഷക്കീല (തിരൂരങ്ങാടി), ടി വി ഗോപാലകൃഷ്ണൻ, പി കൃഷ്ണൻ, ബി രാജേഷ് (കൊണ്ടോട്ടി), സരിത തറമൽപറമ്പ്, കെ ദീപ, എ പി നൗഷാദ് (മഞ്ചേരി), കെഎസ്ടിഎ സംസ്ഥാന സെക്രട്ടറി കെ ബദറുന്നീസ, പി നിഖിൽ, പി കെ നാരായണൻ (പെരിന്തൽമണ്ണ), ഷൈജി ടി മാത്യു, കെ അനീഷ്, എ കെ പ്രകാശ് (നിലമ്പൂർ) എന്നിവിടങ്ങളിൽ സംസാരിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..