ജീത്തു ജോസഫ് ചിത്രം ‘മിറാഷ്’ ഒടിടിയിലേക്ക്

കൊച്ചി: സംവിധായകൻ ജീത്തു ജോസഫിന്റെ പുതിയ ത്രില്ലർ ചലച്ചിത്രം ‘മിറാഷ്’ ഒടിടിയിലേക്ക്. തീയേറ്ററുകളില്‍ വൻവിജയമായി പ്രദര്‍ശനം തുടരുന്നതിനിടെയാണ് ചിത്രം ഒടിടിയിലേക്ക് എത്തുന്നത്. കൂമൻ എന്ന ജീത്തു ജോസഫിൻ്റെ ചിത്രത്തിനുശേഷമാണ് ആസിഫ് അലിയും ജീത്തുവും ഒന്നിക്കുന്നത്. സെപ്തംബര്‍ 19ന് ആണ് ചിത്രം റിലീസ് ചെയ്തത്. ഒക്ടോബർ 23നാണ് ചിത്രം ഒടിടിയില്‍ സ്ട്രീമിംഗ് ആരംഭിക്കുക. സോണി ലിവിനാണ് ഒടിടി അവകാശം.

ആസിഫ് അലിയും അപര്‍ണാ ബാലമുരളിയും പ്രധാന വേഷത്തിലെത്തുന്ന ചിത്രം നാദ് സ്റ്റുഡിയോയും ഇ ഫോർ എക്സ്പിരിമെൻ്റ്സും ചേർന്നാണ് നിർമ്മിച്ചിരിക്കുന്നത്. ചിത്രത്തിന് സംഗീതം നൽകിയിരിക്കുന്നത് വിഷ്ണു ശ്യാമാണ്.