ഇരുന്പ് വടി കൊണ്ട് അടിയേറ്റ് ചികിത്സയിലിരുന്നയാള് മരിച്ചു
സന്തോഷ്
തൃശൂർ
വാക്കുതർക്കത്തെ തുടർന്ന് ഇരുന്പ് വടി കൊണ്ട് തലയ്ക്ക് അടിയേറ്റ് ചികിത്സയിലായിരുന്ന മധ്യവയസ്കൻ മരിച്ചു. നെടുപുഴ വാഴപ്പുള്ളി സന്തോഷാ (54) ണ് മരിച്ചത്. നെടുപുഴ പള്ളിക്ക് സമീപം ചൊവ്വ വൈകിട്ടായിരുന്നു അക്രമം. പാടശേഖരത്തിലെ തർക്കമാണ് അക്രമത്തിൽ കലാശിച്ചത്. നെടുപുഴ സ്വദേശി ഗണേഷാണ് മർദിച്ചത്. തലയ്ക്ക് സാരമായി പരിക്കേറ്റ സന്തോഷ് കൂർക്കഞ്ചേരിയിലെ സ്വകാര്യ ആശുപത്രിയിൽ ചികിത്സയിലിരിക്കെ വ്യാഴം വൈകിട്ടോടെയാണ് മരിച്ചത്. പ്രതി ഗണേഷിനെ നെടുപുഴ പൊലീസ് അറസ്റ്റ് ചെയ്തു. സംസ്കാരം നടത്തി. ഭാര്യ: രേഖ. മക്കൾ: അതുൽ കൃഷ്ണ, അദ്വൈത്. ബിജെപി വടൂക്കര സ്ഥാനാര്ഥി സദാനന്ദന് വാഴപ്പുള്ളിയുടെ സഹോദരനാണ് മരിച്ച സന്തോഷ്.
Tags
0 comments