ബൈക്ക് അപകടത്തിൽ പരിക്കേറ്റ യുവതി മരിച്ചു

മരട്/പട്ടിക്കാട്

ദേശീയപാത 544ൽ തൃശൂർ ചുവന്നമണ്ണിലുണ്ടായ ബൈക്ക് അപകടത്തിൽ ഗുരുതരപരിക്കേറ്റ് ചികിത്സയിലായിരുന്ന യുവതി മരിച്ചു. എറണാകുളം മരട്‌ തോമസ്-പുരം ചാത്തങ്ങാട്ട് രാവുണ്ണി ലെയ്‌ൻ മാളിയം വീട്ടിൽ (പള്ളിപ്പറമ്പിൽ) പരേതനായ ജോസഫ് സെൽവന്റെ മകൾ സ്മിത മരിയ (20)യാണ് മരിച്ചത്. 14ന് വൈകിട്ട് 5.45ന്‌ ബൈക്ക് ഡിവൈഡറിൽ ഇടിച്ചായിരുന്നു അപകടം. ബൈക്കിന് പിന്നിലിരുന്ന് യാത്ര ചെയ്തിരുന്ന സ്മിതയ്ക്ക് ഗുരുതരമായി പരിക്കേറ്റു. തൃശൂർ ജൂബിലി മിഷൻ ആശുപത്രിയിൽ ചികിത്സയിലിരിക്കെ ബുധൻ പകൽ മൂന്നോടെ മരിച്ചു. സംസ്കാരം വ്യാഴം വൈകിട്ട് നാലിന് തൈക്കൂടം സെന്റ്‌ റാഫേൽ പള്ളി സെമിത്തേരിയിൽ. അമ്മ: ഷൈൻ മേരി.