'ചങ്കാണ് ബാലൻ'

എടപ്പാൾ ​

എടപ്പാൾ പഞ്ചായത്ത്‌ മൂന്നാം വാർഡിലെ എൽഡിഎഫ് സ്ഥാനാർഥി എം പി ബാലൻ മറ്റു സ്ഥാനാർഥികളിൽനിന്ന് അൽപ്പം വ്യത്യസ്‌തനാണ്‌. അതുകൊണ്ട്‌ പ്രചാരണ രീതികളും വ്യത്യസ്‌തം. ബാലന്റെ തെരഞ്ഞെടുപ്പ് പ്രചാരണത്തിന്‌ ഒരുപറ്റം സുഹൃത്തുക്കൾ കക്ഷിരാഷ്‌ട്രീയം മറന്ന്‌ ബാനറുകളും ചുവരുകളും എഴുതുകയാണ്‌. അതും തീർത്തും സ‍ൗജന്യമായി. കേരള പരസ്യ കലാസമിതിയുടെ സംസ്ഥാന കമ്മിറ്റി അംഗവും എടപ്പാൾ യൂണിറ്റ് സെക്രട്ടറിയുമാണ് എം പി ബാലൻ. രാഷ്ട്രീയത്തിന് അതീതമായി പ്രവർത്തിക്കുന്ന കലാസമിതിയാണിത്. സമതിയിലെ ഒരംഗം മത്സരിക്കുമ്പോൾ കക്ഷിരാഷ്ട്രീയം മറന്ന് ആ അംഗത്തെ വിജയിപ്പിക്കുക എന്നതിനാണ് മുൻതൂക്കം കൊടുക്കുന്നതെന്ന് കേരള പരസ്യ കലാസമിതി സംസ്ഥാന സെക്രട്ടറി അലി ഗ്ലാമർ പറഞ്ഞു. കെ പ്രഭാകരൻ ഉദ്ഘാടനംചെയ്തു. അഡ്വ. കെ വിജയൻ, ജബ്ബാർ എടപ്പാൾ, ഉദയൻ എടപ്പാൾ, സമിതി സംസ്ഥാന കമ്മിറ്റി അംഗങ്ങളായ റഷീദ് മദർ ആർട്സ്, സുബ്രഹ്മണ്യൻ, പ്രേമദാസ് നിറം, റഷീദ് പാവട്ടപ്പുറം, ശ്രീജേഷ്, മോഹനൻ വളാഞ്ചേരി, സജീർ, പ്രസാദ്, പ്രദീപ് പാറപ്പുറം, മോഹനൻ വളാഞ്ചേരി എന്നിവർ സംസാരിച്ചു.