കൂത്താട്ടുകുളം നഗരസഭ അവിശ്വാസപ്രമേയം 
നാളെ പരിഗണിക്കും

കൂത്താട്ടുകുളം

നഗരസഭയിലെ എൽഡിഎഫ് ഭരണസമിതിക്കെതിരെ യുഡിഎഫ് നൽകിയ അവിശ്വാസപ്രമേയം ചൊവ്വാഴ്ച പരിഗണിക്കും. നഗരസഭാ അധ്യക്ഷ വിജയ ശിവനെതിരെയുള്ള പ്രമേയം പകൽ 11നും ഉപാധ്യക്ഷൻ സണ്ണി കുര്യാക്കോസിനെതിരെയുള്ള പ്രമേയം പകൽ രണ്ടിനും പരിഗണിക്കും.

ആറുമാസംമുമ്പ്​ നൽകിയ അവിശ്വാസപ്രമേയത്തിനിടെ നഗരസഭാ അധ്യക്ഷ ഉൾപ്പെടെയുള്ള ഇടത്​ വനിതാ കൗൺസിലർമാര്‍ക്ക് മർദനമേറ്റിരുന്നു. 25 അംഗ ഭരണസമിതിയിൽ എൽഡിഎഫ് 13, യുഡിഎഫ് 11, സ്വതന്ത്രൻ ഒന്ന് എന്നതാണ് കക്ഷിനില. എറണാകുളം നഗരകാര്യ ജോയിന്റ് ഡയറക്ടറാണ് വരണാധികാരി.