ടോറസ് ലോറികൾ 
കൂട്ടിയിടിച്ചു

നന്തിക്കര

ദേശീയപാത നന്തിക്കരയിൽ രണ്ട് ടോറസ് ലോറികൾ കൂട്ടിയിടിച്ചു. അപകടം മൂലം തൃശൂർ ഭാഗത്തേക്കുള്ള ദേശീയ പാതയിൽ ഒരു മണിക്കൂറിലേറെ ഗതാഗതം തടസ്സപ്പെട്ടു. നെല്ലായി കടന്നും വാഹനങ്ങളുടെ നിരനീണ്ടു. നന്തിക്കര സ്കൂൾ സ്റ്റോപ്പിൽ ശനിയാഴ്ച രാവിലെ ഒന്പതിനായിരുന്നു അപകടം. ചാലക്കുടി ഭാഗത്തേക്ക് പോയിരുന്ന ടോറസ് യു ടേൺ എടുക്കുന്നതിനിടെ പുറകിൽ നിന്ന് വന്ന ടോറസ് ഇടിക്കുകയായിരുന്നു. റോഡിന് കുറുകെ കിടന്ന ടോറസുകൾ ക്രെയിൻ ഉപയോഗിച്ച് മാറ്റിയാണ് ദേശീയപാതയിലെ ഗതാഗതം പുനഃസ്ഥാപിച്ചത്. അപകടത്തിൽ ആർക്കും പരിക്കില്ല.