കൊളംബിയ ഭൂചലനം; മരണസംഖ്യ 250 ആയി, അർധരാത്രിയും രക്ഷാപ്രവർത്തനം

ബൊ​ഗോട്ട : കൊളംബിയയിലെ ഭൂചലനത്തിൽ തകർന്ന കെട്ടിടങ്ങൾക്കിടയിൽ കുടുങ്ങിക്കിടക്കുന്നവർക്കായുള്ള തിരച്ചിൽ തുടരുകയാണ്. കോൺക്രീറ്റ് അവശിഷ്ടങ്ങൾക്കിടയിൽ നിന്നും ഒരു ജീവനെങ്കിലും രക്ഷിക്കാനായി രക്ഷാപ്രവർത്തകർ പരിശ്രമിക്കുകയാണ്. കുറഞ്ഞത് 250 പേരെങ്കിലും മരിച്ചതായി കണക്കാക്കപ്പെടുന്ന ഈ ദുരന്തത്തിൽ 2,700ലധികം പേരെ കാണാനില്ലെന്നാണ്‌ വിവരം.

ഈ നൂറ്റാണ്ടിൽ കൊളംബിയ കണ്ട ഏറ്റവും വിനാശകരമായ ഭൂചലനമാണിത്. തിങ്കളാഴ്ച രാവിലെ റിക്ടർ സ്കെയിലിൽ 7.4 തീവ്രത രേഖപ്പെടുത്തിയ ഭൂചലനത്തിൽ അപ്പാർട്ട്മെന്റുകൾ, വീടുകൾ, സ്കൂളുകൾ, ആരോഗ്യ കേന്ദ്രങ്ങൾ എന്നിവ തകർന്നു വീണു. ചില കെട്ടിടങ്ങൾക്ക് വിള്ളലുകളുണ്ടായി.