സന്ദീപ്‌ ഘോഷിനെ 
വിചാരണചെയ്യാൻ 
സിബിഐക്ക്‌ അനുമതി

കൊൽക്കത്ത : ആർജി കർ മെഡിക്കൽ കോളേജ് മുൻപ്രിൻസിപ്പൽ സന്ദീപ് ഘോഷിനെ വിചാരണ ചെയ്യാൻ പശ്ചിമബംഗാൾ സർക്കാർ സിബിഐക്ക് അനുമതി നൽകി. സാമ്പത്തിക ക്രമക്കേടിൽ നേരത്തെ സിബിഐ ഇയാൾക്കെതിരെ കോടതിയിൽ കുറ്റപത്രം നൽകിയിരുന്നെങ്കിലും സർക്കാരിന്റെ അനുവാദം ലഭിക്കാത്തതിനാൽ കേസ്‌ പരിഗണിച്ചിരുന്നില്ല. സെപ്തംബർ രണ്ടിന് ഘോഷിനെ സിബിഐ അറസ്റ്റ്ചെയ്‌തെങ്കിലും ജാമ്യം ലഭിച്ചു. വൻ ജനകീയ പ്രതിഷേധം ഉയർന്നതിനെ തുടർന്നാണ് ഇയാളെ പ്രിൻസിപ്പൽ സ്ഥാനത്തുനിന്ന് നീക്കാൻ മമത സർക്കാർ തയാറായത്‌.