ബോക്സ് ഓഫീസിൽ മുന്നേറി ധനുഷ്, കൃതി സനോണ്‍ ചിത്രം 'തേരെ ഇഷ്ക് മേം'

tere ishq mein
വെബ് ഡെസ്ക്

Published on Nov 30, 2025, 08:59 PM | 1 min read

മുംബൈ: ബോക്സ് ഓഫീസിൽ മികച്ച പ്രകടനം കാഴ്ചവച്ച് ധനുഷും കൃതി സനോണും പ്രധാന വേഷങ്ങളിൽ എത്തിയ പുതിയ റൊമാന്റിക് ചിത്രം ‘തേരെ ഇഷ്ക് മേം’. റിലീസ് ചെയ്ത് രണ്ടാം ദിവസം തന്നെ ചിത്രം ₹30 കോടി നേടി.


നവംബർ 28 വെള്ളിയാഴ്ച തിയേറ്ററുകളിൽ എത്തിയ ചിത്രത്തിന് ആദ്യ ദിനം മികച്ച പ്രതികരണമാണ് ലഭിച്ചത്. ആദ്യ ദിവസം ചിത്രം ₹16 കോടി നേടിയിരുന്നു. രണ്ടാം ദിനമായ ശനിയാഴ്ച കളക്ഷനിൽ നേരിയ വർധനവുണ്ടായി. ഏകദേശം ₹17 കോടിയാണ് ശനിയാഴ്ച നേടിയത്. ഇതോടെ ചിത്രത്തിന്റെ ആകെ കളക്ഷൻ ₹33 കോടിയായി ഉയർന്നുവെന്നാണ് റിപ്പോർട്ടുകൾ.


കൃതി സനോണിൻ്റെ മുക്തി എന്ന കഥാപാത്രത്തിന്, പ്രതികാരബുദ്ധിയുള്ള ശങ്കർ എന്ന ധനുഷിൻ്റെ കഥാപാത്രത്തോട് തോന്നുന്ന പ്രണയമാണ് 'തേരെ ഇഷ്ക് മേം' ചർച്ച ചെയ്യുന്നത്. സാഹചര്യങ്ങൾ ഇവരെ അകറ്റുകയും, പ്രണയം നഷ്ടപ്പെട്ടതിലുള്ള വേദനയിൽ ശങ്കർ പ്രതികാരത്തിനായി ഇറങ്ങിപ്പുറപ്പെടുകയും ചെയ്യുന്നതാണ് ചിത്രത്തിൻ്റെ ഇതിവൃത്തം. തീവ്രമായ വികാരങ്ങളും സംഘർഷങ്ങളുമാണ് സിനിമയുടെ കാതൽ.


ആനന്ദ് എൽ റായി, ഹിമാൻഷു ശർമ്മ, ഭൂഷൺ കുമാർ, കൃഷൻ കുമാർ എന്നിവരാണ് ചിത്രം നിർമ്മിച്ചിരിക്കുന്നത്. സംഗീതം ഒരുക്കിയിരിക്കുന്നത് എ ആർ റഹ്മാനും ഗാനരചന ഇർഷാദ് കാമിലുമാണ്.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home