മദ്യവിൽപ്പന തടയാനെത്തിയ പൊലിസ് സംഘത്തിനു നേരെ ആക്രമണം

വെബ് ഡെസ്ക്

Published on Nov 09, 2026, 07:35 AM | 1 min read

പാറ്റ്ന: ബിഹാറിലെ ലഖിസരായ് ജില്ലയിൽ അനധികൃത മദ്യവിൽപനയും ചൂതാട്ടവും നടക്കുന്ന കേന്ദ്രത്തിൽ റെയ്ഡിനെത്തിയ പൊലിസ് സംഘത്തിനു നേരെയുണ്ടായ ആക്രമണത്തിൽ വനിതാ കോൺസ്റ്റബിളടക്കം നാലുപേർക്കു പരിക്കേറ്റു.രഹസ്യവിവരത്തെത്തുടർന്ന് പരിശോധനയ്ക്കെത്തിയ സംഘത്തെ ഒരു വിഭാഗം ആക്രമിക്കുകയായിരുന്നു.

ടൗൺ പൊലിസ് സ്റ്റേഷൻ പരിധിയിലെ ബൽഗുദാർ ഗ്രാമത്തിലായിരുന്നു സംഭവം. എസ്ഐ ഭഗവാൻ താക്കൂർ, കോൺസ്റ്റബിൾമാരായ അമിത് കുമാർ ഝാ, ജിതേന്ദ്ര പാസ്വാൻ, രുചി കുമാരി എന്നിവർക്കാണ് പരിക്കേറ്റത്. മദ്യത്തിൻറെ നിർമാണം, വിൽപന, കൈവശംവയ്ക്കൽ, കടത്തൽ, ഉപയോഗം എന്നിവ നിരോധിച്ചുകൊണ്ട് 2016ലാണ് ബിഹാറിൽ സന്പൂർണ മദ്യനിരോധന നിയമം നടപ്പാക്കിയത്.കണ്ടാലറിയാവുന്ന 19 പേർക്കെതിരേയും തിരിച്ചറിയാത്ത 25 പേർക്കെതിരേയും പൊലിസ് കേസെടുത്തിട്ടുണ്ട്. ഇതുവരെ 12 പേരെ അറസ്റ്റ് ചെയ്തതായും മറ്റുള്ളവർക്കായി തെരച്ചിൽ തുടരുന്നുണ്ടെന്നും മുതിർന്ന പൊലിസ് ഉദ്യോഗസ്ഥർ അറിയിച്ചു