ഇടതുപക്ഷ ആശയ പ്രചാരണത്തിലൂടെ 
സംഘപരിവാറിനെ ചെറുക്കണം: മുഹമ്മദ് സലിം

കൊൽക്കത്ത> സംഘപരിവാർ രാജ്യത്ത്‌ അപകടകരമാംവിധം പ്രചരിപ്പിക്കുന്ന ഹിന്ദുത്വ വർഗീയ വലതുപക്ഷ ചിന്താഗതികളെ ഇടതുപക്ഷ ആശയ പ്രചാണത്തിലൂടെ മാത്രമേ നേരിടാനാകൂവെന്ന്‌ സിപിഐ എം പശ്ചിമ ബംഗാൾ സംസ്ഥാന സെക്രട്ടറി മുഹമ്മദ് സലിം പറഞ്ഞു.

ഇടതുപക്ഷത്തെ എങ്ങനെയും ഇല്ലാതാക്കിയാലേ തങ്ങളുടെ വർഗീയ ഫാസിസ്റ്റ് അജൻഡ പൂർണമായി നടപ്പിലാക്കാനാവൂ എന്ന് സംഘപരിവാറിനും ബിജെപിക്കും നന്നായി അറിയാം–- സിപിഐ എം പശ്ചിമ ബംഗാൾ സംസ്ഥാന കമ്മിറ്റിയുടെ മുഖ പത്രമായ ഗണശക്‌തിയുടെ 59–-ാമത്‌ സ്ഥാപക ദിനത്തോടനുബന്ധിച്ച്‌ നടന്ന ചടങ്ങിൽ സലിം പറഞ്ഞു. പ്രമോദ് ദാസ്‌ഗുപ്‌ത ആഡിറ്റോറിയത്തിൽ നടന്ന ചടങ്ങിൽ മുതിർന്ന നേതാവ് ബിമൻ ബസു, പിബി അംഗം സൂര്യകാന്ത മിശ്ര, ഗണശക്തി പത്രാധിപർ ഷമിക് ലാഹിരി എന്നിവർ സംസാരിച്ചു.