പുതുവർഷപ്പുലരിയിൽ പന്തം കൊളുത്തി പ്രകടനം
നീതി ലഭിക്കുംവരെ സമരം ; പ്രതിജ്ഞയെടുത്ത് ഡോക്ടര്മാര്

ഗോപി
Published on Jan 02, 2025, 03:26 AM | 1 min read
കൊൽക്കത്ത
ആർ ജി കർ മെഡിക്കൽ കോളേജ് ആശുപത്രിയിൽ ജൂനിയർ ഡോക്ടറെ ബലാത്സംഗം ചെയ്തുകൊന്ന കേസിൽ നീതി ലഭിക്കുംവരെ സമരം തുടരുമെന്ന് ഡോക്ടർമാർ പുതുവർഷത്തിൽ പ്രതിജ്ഞ എടുത്തു. എസ്പ്ലനേഡിലെ സമരപ്പന്തലിൽ പുതുവർഷ പുലരിയിൽ ഒത്തുകൂടിയ ആയിരങ്ങൾ പ്രതിജ്ഞ എടുത്തു. ആവശ്യമെങ്കിൽ സമരം ഡൽഹിയിലേക്ക് വ്യാപിപ്പിക്കുമെന്നും പ്രഖ്യാപിച്ചു.
സമരത്തിന് പിന്തുണയുമായി സ്ത്രീകൾ ഉൾപ്പടെവർ ചൊവ്വാഴ്ച അർധരാത്രി പന്തംകൊളുത്തി പ്രകടനം നടത്തി.
കേസന്വേഷിക്കുന്ന സിബിഐയുടെ അനാസ്ഥയ്ക്കെതിരെയും വിമർശം ശക്തമാണ്. കൊലക്കേസിലും ബലാത്സംഗക്കേസിലും സഞ്ജയ് റോയിയെന്ന ഒരാളെ മാത്രമാണ് പ്രതിചേർത്തത്. അറസ്റ്റ് ചെയ്യപ്പെട്ട പ്രിൻസിപ്പൽ സന്ദീപ് ഘോഷ് ജാമ്യം നേടി.









0 comments