ദേബ്‌ലീന ഹേംബ്രഹ്മ് സിപിഐ എം ബാങ്കുറ ജില്ലാ സെക്രട്ടറി

കൊൽക്കത്ത

പശ്‌ചിമ ബംഗാളിൽ സിപിഐ എം ജില്ലാ സെക്രട്ടറിയായി ആദിവാസി വനിതാ നേതാവ്‌ ദേബ്‌ലീന ഹേംബ്രഹ്‌മിനെ തെരഞ്ഞെടുത്തു. ബാങ്കുറ ജില്ലാ സെക്രട്ടറിയായാണ്‌ പാർടി കേന്ദ്രകമ്മിറ്റി അംഗം കൂടിയായ ദേബ്‌ലീന പ്രവർത്തിക്കുക. ബംഗാളിൽ ആദ്യമായാണ്‌ വനിത പാർടി ജില്ലാ സെക്രട്ടറിയാകുന്നത്‌. 60 അംഗ ജില്ലാ കമ്മിറ്റിയിൽ ആറ്‌ വനിതകളടക്കം പട്ടികജാതി പട്ടിക വർഗ വിഭാഗത്തിൽപ്പെട്ട 21 പേരുണ്ട്. കമ്മിറ്റിയിൽ ആകെ 11 വനിതകൾ ഇടംപിടിച്ചു.

ആദിവാസി, മഹിളാ സംഘടനാ നേതാവായ ദേബ്‌ലീന മുൻ എംഎൽഎയാണ്‌. 2011ൽ റാണിബന്ദ് ആദിവാസി സംവരണ മണ്ഡലത്തിൽനിന്ന്‌ തെരഞ്ഞെടുക്കപ്പെട്ട അവരെ ശാരദാ അഴിമതി കേസ് ഉന്നയിച്ചതിന് നിയമസഭക്ക് അകത്തു വെച്ച് തൃണമൂൽ കോൺഗ്രസ് അംഗങ്ങൾ പല തവണ മർദിച്ചത്‌ വാർത്തകളിൽ ഇടംപിടിച്ചിരുന്നു.