ചൂടുകൂടി; 
പാലക്കാട്‌ 
37 ഡിഗ്രി 
സെൽഷ്യസ്‌

തിരുവനന്തപുരം: സംസ്ഥാനത്ത്‌ ശനിയാഴ്‌ച 35 ഡിഗ്രി സെൽഷ്യസിനും 38 ഡിഗ്രി സെൽഷ്യസിനും ഇടയിൽ ഉയർന്ന താപനില രേഖപ്പെടുത്തി. ഔദ്യോഗിക റിപ്പോർട്ട്‌ പ്രകാരം പാലക്കാടാണ്‌ ഉയർന്ന ചൂട് രേഖപ്പെടുത്തിയത്‌, 37 ഡിഗ്രി സെൽഷ്യസ്‌.

സാധാരണയിൽനിന്ന്‌ 1.9 ഡിഗ്രി കൂടുതലാണിത്‌. ഫെബ്രുവരി രണ്ടാംവാരം അവസാനിക്കുമ്പോൾ സംസ്ഥാനത്തെ താപനില ഉയരുകയാണ്‌. മാർച്ചോടെ അസഹനീയമായ ചൂട്‌ അനുഭവപ്പെടാനാണ്‌ സാധ്യത. തൃശൂർ വെള്ളാനിക്കര–-36.8, പുനലൂർ –-36.5, കോട്ടയം –-36.5, കൊച്ചി –-36, കോഴിക്കോട്–-35.4, കണ്ണൂർ –-35.3, തിരുവനന്തപുരം –-35.2 ഡിഗ്രി സെൽഷ്യസും ശനിയാഴ്ച രേഖപ്പെടുത്തി.