കസ്റ്റഡിയിലെടുത്ത യുവതിയെ പീഡിപ്പിച്ച സംഭവം: വടകര ഡിവൈഎസ്പി ഉമേഷിന് സസ്പെൻഷൻ

കോഴിക്കോട്: കസ്റ്റഡിയിലെടുത്ത യുവതിയെ പീഡിപ്പിച്ച സംഭവത്തിൽ ആരോപണ വിധേയനായ വടകര ഡിവൈഎസ്പി എ ഉമേഷിന് സസ്പെൻഷൻ.

വടക്കഞ്ചേരി സിഐയായിരുന്നപ്പോഴുള്ള സംഭവത്തിന്മേലാണ് നടപടി.പൊലീസ് പദവി ഉപയോഗിച്ച് ഗുരുതരമായ കുറ്റകൃത്യം ഉമേഷ് നടത്തിയെന്നാണ് സസ്പെൻഷൻ ഉത്തരവിലുള്ളത്. നിയമവിരുദ്ധവും അധാർമികവുമായ നടപടികൾ ഉമേഷ് നടത്തിയെന്നും ആഭ്യന്തരവകുപ്പിന്റെ റിപ്പോർട്ടിൽ പരാമർശമുണ്ട്.

നാദാപുരം കൺട്രോൾ റൂം ഡിവൈഎസ്പിക്കാണ് വടകര ഡിവൈഎസ്‍പിയുടെ പകരം ചുമതല.