പൊലീസിന്റേത് മാധ്യമ സ്വാതന്ത്ര്യത്തിന് നേരായ കടന്നാക്രമണം: എം എ ബേബി

തിരുവനന്തപുരം: റിപ്പോർട്ടർ ചാനലിന്റെ ഓഫീസിൽ കയറി പൊലീസ് നടത്തിയത്, മാധ്യമ സ്വാതന്ത്ര്യത്തിനെതിരായ കടന്നാക്രമണമെന്ന് സിപിഐ എം ജനറൽ സെക്രട്ടറി എം എ ബേബി.

അസാധാരണമായ അതിക്രമമാണ് റിപ്പോർട്ടർ ടിവിയുടെ ഓഫീസിൽചെന്ന് ഒരു കൂട്ടം പൊലീസ് ഉദ്യോ​ഗസ്ഥർ ചെയ്തത്. ഭീകരാന്തരീക്ഷം സൃഷ്ടിച്ച് ചാനലിന്റെ സംപ്രേക്ഷണം ഒരു മണിക്കൂറോളം നിർത്തിവെപ്പിച്ചു. മാധ്യമ പ്രവർത്തകരുടെ ഫോണുകൾ ഉൾപ്പെടെ പിടിച്ചെടുത്തു. ഇന്ദിരാ ​ഗാന്ധി അടിയന്തരാവസ്ഥ പ്രഖ്യാപിച്ച് മാധ്യമങ്ങളുടെ വാ മൂടി കെട്ടിയിരുന്നു. എന്നാൽ മാധ്യമ സ്ഥാപനങ്ങളിൽ കയറി ഭീകരാന്തരീക്ഷം സൃഷ്ടിക്കുകകോ അതിക്രമം നടത്തുകയോ ചെയ്തതായി കേട്ടറിവില്ല.

നേരത്തെ മോദി സർക്കാർ മീഡിയാ വൺ ചാനലിന്റെ സംപ്രേക്ഷണം നിർത്തിവെപ്പിച്ചിരുന്നു. അതിനെതിരെ എല്ലാവരും ഒറ്റക്കെട്ടായി നിന്നു. മാധ്യമ സ്വാതന്ത്ര്യം എന്നത് ഒരു സമൂഹത്തിലെ ജനാധിപത്യ സ്വാതന്ത്ര്യത്തിന്റെ അവിഭാജ്യഘടകമാണ്. അതിനെ നേരെയുള്ള ആക്രമണവും ഭീഷണിയുമാണ് വി ഡി സതീശൻ സർക്കാരിന്റെ ഭാ​ഗത്ത് നിന്നുമുണ്ടായതെന്നും എം എ ബേബി പറഞ്ഞു.