പൊന്നിത് എങ്ങോട്ടാ? സ്വർണവില വർധിച്ചു

തിരുവനന്തപുരം : സ്വർണത്തിന്റെ മൂല്യം നാ‌ൾക്കുനാൾ വർധിക്കുകയാണ്. എന്നാൽ കല്യാണസീസണിൽ സ്വർണം വാങ്ങാനിരിക്കുന്നവരുടെ പ്രതീക്ഷകളില്ലാതാക്കുകയാണ് സ്വർണവില. രണ്ട് ദിവസത്തെ ഇടിവിന് ശേഷം ഇന്ന് സ്വർണവില വർധിച്ചു. പവന് 640 രൂപ വർധിച്ച്, 1,13,080 രൂപയാണ് ഇന്നത്തെ വില. ഒരു ​ഗ്രാം സ്വർണത്തിന് 14,135 രൂപയാണ്. ഇന്നലെ ഒരു ​ഗ്രാമിന് 14,005 രൂപയായിരുന്നു.

അന്താരാഷ്ട്ര വിപണിയിലെ ചാഞ്ചാട്ടങ്ങളെ കൃത്യതയോടെ നിരീക്ഷിക്കുന്ന നിക്ഷേപകർ എക്കാലത്തും പ്രതീക്ഷയർപ്പിക്കുന്ന സുരക്ഷിത നിക്ഷേപമാർ​ഗമാണ് സ്വർണം. ഡോളർ-രൂപ വിനിമയ നിരക്ക്, ഇറക്കുമതി തീരുവ, ക്രൂഡ് ഓയിൽ വില, ആഭ്യന്തര ഓഹരി വിപണിയിലെ മാറ്റങ്ങൾ എന്നിവയെല്ലാം സ്വർണവിലയെ ബാധിക്കുന്ന ഘടകങ്ങളാണ്. പ്രാദേശകമായി പ്രവർത്തിക്കുന്ന ​ഗോൾഡ് അസോസിയേഷനുകളാണ് സംസ്ഥാനത്ത് സ്വർണവില നിശ്ചയിക്കുന്നതെങ്കിലും ആ​ഗോള വിപണിയിലെ ചെറിയ ചലനങ്ങൾ പോലും സ്വർണം വിലയിൽ പ്രതിഫലിക്കാറുണ്ട്.