print edition പാലക്കാടിന്റെ സ്വന്തം മെഡിക്കൽ കോളേജ്‌ ; പഠിച്ചിറങ്ങിയത് 600 വിദ്യാർഥികൾ

പാലക്കാട്‌

പട്ടികജാതി–പട്ടികവർഗ വികസനവകുപ്പിന്‌ കീഴിൽ രാജ്യത്തെ ഏക മെഡിക്കൽ കോളേജ്‌ പാലക്കാട്ടാണ്‌. ഇ‍ൗ മെഡിക്കൽ കോളേജിനായി എൽഡിഎഫ്‌ സർക്കാർ ചെലവഴിച്ചത്‌ രണ്ടായിരം കോടി. പഠനം പൂർത്തിയാക്കിയത്‌ 600ലേറെ വിദ്യാർഥികൾ.

പത്തുവർഷം മുമ്പ്‌ ഇതായിരുന്നില്ല കഥ. പണിതീരാത്ത കെട്ടിടങ്ങൾ, അടിസ്ഥാന സ‍ൗകര്യങ്ങളൊന്നുമില്ല, ഇന്ത്യൻ മെഡിക്കൽ കോളേജ്‌ അസോസിയേഷന്റെ രജിസ്‌ട്രേഷൻ നഷ്‌ടപ്പെട്ടു, വിദ്യാർഥികളുടെ ഭാവി അവതാളത്തിലായി. അവിടെനിന്നാണ്‌ തുടർച്ചയായ പിണറായി സർക്കാരുകൾ കൈപിടിച്ചുയർത്തിയത്‌. ഒപി, അത്യാഹിത വിഭാഗം, ഐപി, ഐസിയു, ഓപ്പറേഷൻ തിയറ്റർ, ജനറൽ മെഡിസിൻ ജനറൽ സർജറി തുടങ്ങിയ സ‍ൗകര്യങ്ങളൊരുക്കി. ഹോസ്റ്റൽ കെട്ടിടങ്ങൾ നിർമിച്ചു. സംവരണത്തിൽ പട്ടികജാതി വിഭാഗത്തിലെ -70 പേർക്കും പട്ടികവർഗവിഭാഗത്തിലെ രണ്ടുപേർക്കുമടക്കം 100 പേർക്കാണ് പ്രതിവർഷം കോളേജിൽ എംബിബിഎസിന് പ്രവേശനം. കഴിഞ്ഞവർഷം 12 സീറ്റുമായി പുതിയ പി ജി ബാച്ച്‌ തുടങ്ങി.