print edition മത്സരരംഗത്ത് 547 ഹരിതകർമ സേനാംഗങ്ങൾ

തിരുവനന്തപുരം

മാലിന്യമുക്ത കേരളത്തിന്റെ കരുത്തായ ഹരിതകർമസേനാംഗങ്ങളും ഇക്കുറി തദ്ദേശ തെരഞ്ഞെടുപ്പിൽ മത്സര രംഗത്തുണ്ട്‌. 547 സേനാംഗങ്ങളാണ്‌ മത്സരിക്കുന്നത്‌. കൂടുതൽ പേർ തിരുവനന്തപുരത്ത്‌– 83. കുറവ്‌ കാസർകോട്‌– 12.

‘ഒരോ വീട്ടിലും കയറിയിറങ്ങി പരിചയപ്പെടുത്തേണ്ട ആവശ്യമില്ല. അതുതന്നെയാണ്‌ കരുത്ത്‌. ജയിക്കുമെന്ന ഉറപ്പ്‌’– തിരുവനന്തപുരം കള്ളിക്കാട്‌ പഞ്ചായത്തിലെ കാലാട്ടുകാവ്‌ വാർഡ്‌ എൽഡിഎഫ്‌ സ്ഥാനാർഥി സിന്ധുലേഖയുടെ വാക്കുകൾ സംസ്ഥാന സർക്കാരിന്റെ പ്രവർത്തനങ്ങൾക്കുള്ള അംഗീകാരംകൂടിയാകുന്നു.