പ്ലസ്‌ ടു ഫലം പ്രഖ്യാപിച്ചു: 77. 97 ശതമാനം വിജയം

തിരുവനന്തപുരം: രണ്ടാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകളുടെ ഫലം പ്രഖ്യാപിച്ചു. പൊതുവിദ്യാഭ്യാസ മന്ത്രി എൻ ഷംസുദ്ദീൻ ആണ് ഫലം പ്രഖ്യാപിച്ചത്. 77. 97 ശതമാനം വിദ്യാർഥികൾ തുടർ പഠനത്തിന് യോ​ഗ്യത നേടി. മുൻ വർഷം 77.81 ശതമാനമായിരുന്നു വിജയം. പരീക്ഷാഫലത്തിൽ 0.16 ശതമാനത്തിന് വർധനയുണ്ടായി.

1990 സ്കൂളുകളിൽ നിന്ന് റെഗുലർ വിഭാഗത്തിൽ 3,72,423 പേർ പരീക്ഷ എഴുതി. റെഗുലർ വിഭാഗത്തിൽ 2,90,398 കുട്ടികൾ വിജയിച്ചു. 30,561 കുട്ടികൾ എല്ലാ വിഷയത്തിലും എ പ്ലസ് നേടി. 60 വിദ്യാർഥികൾ 1200 മാർക്കും നേടിയാണ് വിജയിച്ചത്. മുഴുവൻ മാർക്ക് ലഭിതച്ചതിൽ 50 പേർ പെൺകുട്ടികൾക്കും 10 ആൺകുട്ടികൾക്കുമാണ്. 80 സ്കൂളുകൾ 100 ശതമാനം വിജയം നേടി.

സയൻസ് വിഭാ​ഗത്തിൽ 84.55%, ഹ്യൂുമാനിറ്റിസ് വിഭാ​ഗത്തിൽ 66.38%, കൊമേഴ്സ് വിഭാ​ഗത്തിൽ 74.47% എന്നിങ്ങനെയാണ് വിജയം. പെൺകുട്ടികളുടെ വിജയ ശതമാനം ആൾകുട്ടികളെ അപേക്ഷിച്ച് ഇത്തവണയും മുന്നിലാണ്. സർക്കാർ സ്കൂളിൽ പരീക്ഷ എഴുതിയ 72.66 % പേർ വിജയിച്ചു. വിജയ ശതമാനം കൂടുതൽ ഇടുക്കിയിലും (89.64%) കുറവ് കാസർകോട് ജില്ലയിലുമാണ് (71.72).

ആകെ 4,52,437 വിദ്യാർഥികളാണ് പരീക്ഷ എഴുതിയത്. മാർച്ച് 6 മുതൽ 26 വരെയാണ് പരീക്ഷകൾ നടന്നത്. കേരളം, ലക്ഷദ്വീപ്, ഗൾഫ് എന്നിവിടങ്ങളിലെ 2005 സ്കൂളുകളിലായാണ് പരീക്ഷ നടത്തിയത്. ജൂൺ 29 മുതൽ ജൂലൈ 3 വരെ ഇംപ്രൂവ്മെന്റ് പരീക്ഷ നടക്കും.

വൊക്കേഷണൽ ഹയർ സെക്കൻഡറി പരീക്ഷാ ഫലം

389 സ്കൂളുകളിലായി 25259 വിദ്യാർഥിളാണ് പരീക്ഷ എഴുതിയത്. 18311 വിദ്യാർഥികൾ ഉപരി പഠനത്തിന് യോ​ഗ്യത നേടി. 72.49 ആണ് വിജയ ശതമാനം. 70.06 ആയിരുന്നു കഴിഞ്ഞ വർഷത്തെ വിജയ ശതമാനം. സയൻസ് വിഭാ​ഗത്തിൽ 71%, ഹ്യൂമാനിറ്റിസ് വിഭാ​ഗത്തിൽ 71.5 %, കൊമേഴ്സ് വിഭാ​ഗത്തിൽ 78.59% എന്നിങ്ങനെയാണ് വിജയം..

പ്രൈവറ്റായി പരീക്ഷയെഴുതിയ 2900 വിദ്യാർഥികളിൽ 1555 വിദ്യാർഥികൾ വിജയിച്ചു. 53.62 ശതമാനം വിജയം.

വെബ്‌സൈറ്റുകളിലും മൊബൈൽ ആപ്ലിക്കേഷനുകളിലും ഫലം അറിയാം. വെബ്സൈറ്റുകൾ: nammudekeralam.kerala.gov.in, www.results.hse.kerala.gov.in, www.prd.kerala.gov.in, results.kerala.gov.in, results.digilocker.gov.in, www.results.kite.kerala.gov.in, examresults.kerala.gov.in.

മൊബൈൽ ആപ്പുകൾ: SAPHALAM 2026, iExaMS-Kerala.