സ്കൂട്ടറിൽ എംഡിഎംഎ കടത്ത്; വിഴിഞ്ഞത്ത് രണ്ട് യുവാക്കൾ പിടിയിൽ

തിരുവനന്തപുരം: വിഴിഞ്ഞത്ത് എംഡിഎംഎയുമായി രണ്ട് യുവാക്കൾ പിടിയിൽ. തമിഴ്നാട്ടിൽ നിന്നും സ്കൂട്ടറിലെത്തിയ പൂന്തുറ സ്വദേശി മുജീബ് റഹ്‌മാൻ, വിഴിഞ്ഞം സ്വദേശി സഹദ് എന്നിവരെയാണ് പിടിയിലായത്. ഇവരിൽ നിന്നും 50 ​ഗ്രാം എംഡിഎംഎ പിടികൂടി.

രഹസ്യവിവരത്തെത്തുടർന്ന് നടത്തിയ പരിശോധനയ്ക്കിടെയാണ് ഇരുവരും പിടിയിലായത്. ബംഗളൂരുവിൽ നിന്നും എംഡിഎംഎ വാങ്ങിയ മുജീബ് റഹ്‌മാൻ നാ​ഗർകോവിലിൽ ഇറങ്ങുകയായിരുന്നു. എവിടെ നിന്നും സഹദിനൊപ്പം സ്കൂട്ടറിൽ നാട്ടിലെത്തിയപ്പോഴാണ് അറസ്റ്റ്.