നാർസിസിസ്റ്റിക് പേഴ്സണാലിറ്റി ഡിസോർഡർ എങ്ങനെ തിരിച്ചറിയാം

നാർസിസിസ്റ്റിക് പേഴ്സണാലിറ്റി ഡിസോർഡർ ഒരു മാനസികാരോഗ്യനിലയാണ്. ഇത് ബാധിച്ചവർക്ക് സ്വന്തം പ്രാധാന്യത്തെക്കുറിച്ച് അയഥാർത്ഥമായ ഉയർന്ന ധാരണയായിരിക്കും. അവർ അമിതമായ ശ്രദ്ധ ആഗ്രഹിക്കുകയും,മറ്റുള്ളവർ അവരെ ആരാധിക്കണമെന്ന് ആഗ്രഹിക്കുകയും ചെയ്യും. പലപ്പോഴും,മറ്റുള്ളവരുടെ വികാരങ്ങൾ മനസ്സിലാക്കാനോ അവയിൽ കരുതലെടുക്കാനോ ഉള്ള കഴിവ് ഇവർക്ക് ഉണ്ടാകാറില്ല. എന്നാൽ,ഈ അങ്ങേയറ്റത്തെ ആത്മവിശ്വാസത്തിന്റെ മുഖംമൂടിക്ക് പിന്നിൽ,അവരുടെ സ്വന്തം ആത്മമൂല്യത്തെക്കുറിച്ച് ഉറപ്പില്ലായ്മയുണ്ടാകും. ചെറിയ വിമർശനം പോലും അവരെ എളുപ്പത്തിൽ അസ്വസ്ഥരാക്കും.

NPD പ്രധാന ലക്ഷണങ്ങൾ
ഈ അവസ്ഥയുടെ ലക്ഷണങ്ങൾ ഓരോരുത്തർക്കും വ്യത്യസ്തമായിരിക്കും.

• ആത്മപ്രാധാന്യവും അംഗീകാരവും: സ്വന്തം പ്രാധാന്യത്തെക്കുറിച്ച് അമിതമായ കാഴ്ചപ്പാട്,നിരന്തരമായ അമിതമായ പ്രശംസയ്ക്കുള്ള ആവശ്യം.

• പ്രത്യേക പരിഗണനയുടെ പ്രതീക്ഷ: നേട്ടങ്ങളൊന്നുമില്ലാതെ തന്നെ തങ്ങൾ മികച്ചവരാണെന്ന് അംഗീകരിക്കപ്പെടണമെന്ന പ്രതീക്ഷ,പ്രത്യേക അവകാശങ്ങൾക്കും പരിഗണനയ്ക്കും അർഹതയുണ്ടെന്ന തോന്നൽ.

• വിജയ-ശക്തി സ്വപ്നങ്ങൾ: അതിരുകളില്ലാത്ത വിജയം,അധികാരം,തിളക്കം,ഭംഗി അല്ലെങ്കിൽ ആദർശപുരുഷൻ/സ്ത്രീ എന്നിവയെക്കുറിച്ചുള്ള ഭാവനാലോകത്ത് മുഴുകിയിരിക്കുക.

• ആത്മീയ ശ്രേഷ്ഠത: തങ്ങൾ മറ്റുള്ളവരേക്കാൾ ശ്രേഷ്ഠരാണെന്ന് വിശ്വസിക്കുക,സമാനരായ പ്രത്യേക വ്യക്തികളോട് മാത്രമേ ഇടപഴകാൻ കഴിയൂ എന്ന് കരുതുക.

• മറ്റുള്ളവരോടുള്ള സമീപനം: മറ്റുള്ളവരെ വിമർശിക്കുകയും അവഗണിക്കുകയും ചെയ്യുക,സ്വന്തം ആവശ്യങ്ങൾക്കായി മറ്റുള്ളവരെ ഉപയോഗപ്പെടുത്തുക,മറ്റുള്ളവരുടെ ആവശ്യങ്ങളും വികാരങ്ങളും തിരിച്ചറിയാനോ കാര്യമെടുക്കാനോ ഉള്ള കഴിവില്ലായ്മ.

• അസൂയയും അഹങ്കാരവും: മറ്റുള്ളവരോട് അസൂയ തോന്നുക,അതേ സമയം മറ്റുള്ളവർ തങ്ങളോട് അസൂയപ്പെടുന്നുവെന്ന് വിശ്വസിക്കുക.അഹങ്കാരത്തോടെ പെരുമാറുക,വമ്പ് പറയുക.
  

വിമർശനത്തോടുള്ള പ്രതികരണം

ഇവർ വിമർശനത്തോട് വളരെ മോശമായി പ്രതികരിക്കും.

• പ്രത്യേക അംഗീകാരമോ പരിഗണനയോ ലഭിച്ചില്ലെങ്കിൽ ക്ഷമ നഷ്ടപ്പെടുകയോ ദേഷ്യപ്പെടുകയോ ചെയ്യുക.

• ചെറിയ വിമർശനത്തിൽ അപമാനം തോന്നുക,കോപത്തോടെ പ്രതികരിക്കുക,മറ്റുള്ളവരെ താഴ്ത്തിക്കാട്ടാൻ ശ്രമിക്കുക.

• വികാരങ്ങളും പെരുമാറ്റവും നിയന്ത്രിക്കാൻ ബുദ്ധിമുട്ട് അനുഭവപ്പെടുക.

• പരാജയപ്പെടുമെന്ന് തോന്നുന്ന സാഹചര്യങ്ങളിൽ നിന്ന് ഒഴിഞ്ഞുമാറുക.

• തികവില്ലായ്മ മൂലം വിഷാദവും മാനസിക അസ്വസ്ഥതയും അനുഭവപ്പെടുക.

• സ്വന്തം അരക്ഷിതാവസ്ഥ,ലജ്ജ,അപമാനഭീതി എന്നിവ മറച്ചുവെക്കുക.
  

കാരണങ്ങളും അപകട ഘടകങ്ങളും

NPD-യുടെ കൃത്യമായ കാരണം ഇതുവരെ കണ്ടെത്തിയിട്ടില്ല. ഇത് സങ്കീർണ്ണമായ ഘടകങ്ങളുമായി ബന്ധപ്പെട്ടിരിക്കാം

• പാരിസ്ഥിതികം: മാതാപിതാക്കളും കുട്ടികളും തമ്മിലുള്ള ബന്ധം-അമിതമായ ആരാധനയോ അമിതമായ വിമർശനമോ കുട്ടിയുടെ യഥാർത്ഥ അനുഭവങ്ങളുമായി പൊരുത്തപ്പെടാതെ വരുന്നത്.

• ജനിതകം: പാരമ്പര്യമായി ലഭിക്കുന്ന ചില വ്യക്തിത്വ സവിശേഷതകൾ.

• ന്യൂറോബയോളജി: തലച്ചോറും ചിന്താ-പെരുമാറ്റ രീതികളും തമ്മിലുള്ള ബന്ധം.
  അമിതസംരക്ഷണമോ അവഗണനയോ ഉള്ള രക്ഷാകർതൃത്വം,ജനിതക ഘടകങ്ങൾ എന്നിവNPDവികസിപ്പിക്കുന്നതിൽ പങ്കുവഹിച്ചേക്കാം.
  

സങ്കീർണതകൾ

NPDമൂലം ബന്ധങ്ങളിലും ജോലിസ്ഥലത്തും പ്രശ്നങ്ങൾ, വിഷാദം, ഉത്കണ്ഠ,മദ്യ-മയക്കുമരുന്ന് ദുരുപയോഗം, ആത്മഹത്യാ ചിന്തകൾ തുടങ്ങിയ ഗുരുതരമായ പ്രശ്നങ്ങൾ ഉണ്ടാകാം.

ചികിത്സ

NPD-യ്ക്കുള്ള ചികിത്സ പ്രധാനമായും സൈക്കോ തെറാപ്പി (ടോക്ക് തെറാപ്പി) ആണ്.എന്നാൽ, ഈ അവസ്ഥയുള്ളവർക്ക് തങ്ങൾക്ക് ഒരു പ്രശ്നവുമില്ലെന്ന് തോന്നിയേക്കാം, അതിനാൽ അവർ സാധാരണ ചികിത്സ തേടാറില്ല. ചികിത്സ തേടിയാലും അത് പലപ്പോഴും വിഷാദം അല്ലെങ്കിൽ ലഹരിവസ്തുക്കളുടെ ഉപയോഗം പോലുള്ള മറ്റ് പ്രശ്നങ്ങൾക്കായിരിക്കും.

വൈദ്യസഹായം തേടേണ്ട സമയം

വ്യക്തിത്വത്തിൽ NPD-യുടെ ലക്ഷണങ്ങൾ കാണുമ്പോൾ അല്ലെങ്കിൽ ദുഃഖഭാരത്താൽ തളർന്നുപോകുന്നുവെങ്കിൽ,ഒരു വിശ്വസ്ത ആരോഗ്യ പരിരക്ഷാ ദാതാവിനെയോ മാനസികാരോഗ്യ വിദഗ്ധനെയോ സമീപിക്കുന്നത് പരിഗണിക്കുക.ഇത് ചികിത്സവഴി എന്നതിനെക്കാൾ തിരിച്ചറിവിലൂടെ മറികടക്കേണ്ടതുമാണ്.