ഡൽഹി ജന്തർ മന്തറിൽ അലയടിച്ച് DYFI പ്രതിഷേധം

തെരഞ്ഞെടുപ്പ് കമീഷന്റെ ജനാധിപത്യവിരുദ്ധ നടപടികൾക്കും വോട്ടർപട്ടിക തിരിമറിക്കുമെതിരെ ഡൽഹി ജന്തർ മന്തറിൽ അലയടിച്ച് ഡിവൈഎഫ്ഐ പ്രതിഷേധം. വിദ്യാർഥി-യുവജന പ്രസ്ഥാനങ്ങൾ നടത്തിയ പ്രക്ഷോഭം പൊലീസിനെ ഉപയോ​ഗിച്ച് അടിച്ചമർത്താൻ ശ്രമിക്കുകയാണ് കേന്ദ്ര സർക്കാർ.

​വോട്ടർപട്ടിക ക്രമക്കേട് ആരോപിക്കപ്പെടുന്ന മുഖ്യ തെരഞ്ഞെടുപ്പ് കമീഷണർ ​ഗ്യാനേഷ് കുമാർ രാജിവെക്കണമെന്നാവശ്യപ്പെട്ടാണ് പ്രതിഷേധം നടക്കുന്നത്. ഡൽഹി ജന്തർ മന്തറിൽ തുടരുന്ന പ്രക്ഷോഭം അടിച്ചമർത്താൻ നേതാക്കളെ കൂട്ടത്തോടെ അറസ്റ്റ് ചെയ്യുകയാണ് പൊലീസ്. സിപിഐ എം ജനറൽ സെക്രട്ടറി എം എ ബേബി, ഡിവൈഎഫ്ഐ അഖിലേന്ത്യാ പ്രസിഡന്റ് എ എ റഹീം, മുതിർന്ന സിപിഐ എം നേതാവ് ബൃന്ദ കാരാട്ട്, എസ്എഫ്ഐ അഖിലേന്ത്യാ പ്രസിഡന്റ് ആദർശ് എം സജി, തുടങ്ങിയവരെയാണ് പൊലീസ് ബലംപ്രയോ​ഗിച്ച് അറസ്റ്റ് ചെയ്ത് നീക്കിയത്.