സാംസങ് ​ഗ്യാലക്സി ബുക്ക് 6 ലാപ്ടോപ് വിപണിയിൽ

സാംസങ് ഇലക്ട്രോണിക്‌സ് ഗ്യാലക്‌സി ബുക്ക് 6 ലാപ്ടോപ് ശ്രേണി പുറത്തിറക്കി. ബുക്ക് 6, പ്രോ, അള്‍ട്രാ എന്നീ മൂന്ന് മോഡലുകളാണ് ലഭ്യമാക്കിയിരിക്കുന്നത്. ഇന്റല്‍ കോര്‍ അള്‍ട്രാ സിരീസ് 3 പ്രോസസറുകളിലെത്തുന്ന ഈ ലാപ്ടോപ് എഐ അധിഷ്ഠിത ഉല്‍പ്പാദനക്ഷമതയും ശക്തമായ പ്രകടനവും ഒരുമിപ്പിക്കുന്നതാണെന്ന് കമ്പനി അവകാശപ്പെടുന്നു.

വേഗമേറിയ പ്രോസസിങ്, മികച്ച മള്‍ട്ടി ടാസ്‌കിങ്, എഐ പ്രവര്‍ത്തനങ്ങള്‍ക്ക് അനുയോജ്യമായ എന്‍പിയു എന്നിവയാണ് ഈ ശ്രേണിയുടെ പ്രത്യേകത. അള്‍ട്രാ മോഡലില്‍ എന്‍വീഡിയ ജിഫോഴ്‌സ് ആര്‍ടിഎക്സ് 5070/5060 ലാപ്‌ടോപ് ജിപിയു ഉള്‍പ്പെടുത്തിയിട്ടുണ്ട്. ഇത് കണ്ടന്റ് ക്രിയേഷന്‍, വീഡിയോ എഡിറ്റിങ്, ഗെയിമിങ് തുടങ്ങിയവ മെച്ചപ്പെടുത്തുമെന്നും പ്രോ മോഡലുകളില്‍ മികച്ച പ്രകടനത്തിനായി വേഗര്‍ ചേംബര്‍ കൂളിങ് ഉള്‍പ്പെടുത്തിയിട്ടുണ്ടെന്നും കമ്പനി അറിയിച്ചു. ഗ്രേ, സില്‍വര്‍ നിറങ്ങളില്‍ ലഭ്യമാകും.