10,001 mAh ബാറ്ററി ശേഷി; റിയൽമി P4 Power 5G ഫോൺ ഇന്ത്യയിൽ അവതരിപ്പിച്ചു

ന്യൂഡൽഹി: ചൈനീസ് സ്മാർട്ട്ഫോൺ ബ്രാൻഡായ റിയൽമി ഇന്ത്യൻ വിപണിയിൽ അവരുടെ Realme P4 Power 5G സ്മാർട്ട്ഫോൺ അവതരിപ്പിച്ചു. വമ്പൻ ശേഷിയുള്ള 10,001mAh ബാറ്ററിയാണ് പ്രധാന ആകര്‍ഷണം. പ്രീമിയം ഡിസൈൻ, ഉയർന്ന പ്രകടനം എന്നിവയാണ് മറ്റ് പ്രധാന അവകാശവാദങ്ങൾ.

ദീർഘനേരം ഉപയോഗിക്കാവുന്ന ബാറ്ററിയും ഫാസ്റ്റ് ചാർജിംഗും മുൻനിർത്തി യുവ ഉപഭോക്താക്കളെയും പ്രൊഫഷണൽ യൂസേഴ്സിനെയും ലക്ഷ്യമിട്ടാണ് റിയൽമിയുടെ ഈ നീക്കം.

6.78 ഇഞ്ച് 4D Curve+ AMOLED ഡിസ്പ്ലേ, 144Hz റിഫ്രഷ് റേറ്റ്, 6500 നിറ്റ്സ് പീക്ക് ബ്രൈറ്റ്‌നസ് എന്നിവയോടെ എത്തിയ P4 Power 5G, മീഡിയടെക് Dimensity 7400 Ultra പ്രോസസറിലാണ് പ്രവർത്തിക്കുന്നത്. 12GB വരെ റാം, 256GB സ്റ്റോറേജ്, Realme UI 7 എന്നിവയും ഫോണിന്റെ പ്രധാന സവിശേഷതകളാണ്.

വലിയ ബാറ്ററിയുണ്ടെങ്കിലും ഫോണിന്റെ ഭാരം 219 ഗ്രാം മാത്രമാണെന്ന് റിയൽമി അവകാശപ്പെടുന്നു. 80W ഫാസ്റ്റ് ചാർജിംഗ്, 27W റിവേഴ്‌സ് ചാർജിംഗ്, കൂടാതെ IP69, IP68, IP66 റേറ്റിംഗുകളുള്ള ശക്തമായ വാട്ടർ–ഡസ്റ്റ് റെസിസ്റ്റൻസും കോർണിംഗ് ഗൊറില്ല ഗ്ലാസ് പ്രൊട്ടക്ഷനും ഈ ഡിവൈസിനെ പ്രീമിയം സെഗ്മെന്റിലേക്ക് ഉയർത്തുന്നു.

TransOrange, TransSilver, TransBlue നിറങ്ങളിൽ ലഭ്യമാകുന്ന Realme P4 Power 5G, ഫെബ്രുവരി 5 മുതൽ റിയൽമിയുടെ ഔദ്യോഗിക സ്റ്റോറുകളിലും പ്രധാന റീട്ടെയിൽ ചാനലുകളിലും വിൽപ്പനയ്‌ക്ക് എത്തും.
വിലനിർണ്ണയം ഇങ്ങനെ:
8GB/128GB – ₹25,999
8GB/256GB – ₹27,999
12GB/256GB – ₹30,999

സ്മാർട്ട്ഫോണിനൊപ്പം റിയൽമി Buds Clip എന്ന പുതിയ ഇയർബഡ്സും അവതരിപ്പിച്ചു. 11mm ഡ്യുവൽ ഡ്രൈവർ, 3D സ്പേഷ്യൽ ഓഡിയോ, AI ENC കോളുകൾ, ജെമിനി പവേർഡ് വോയ്സ് അസിസ്റ്റന്റ് എന്നിവയോടെ എത്തിയ ഇയർബഡ്സിന്റെ വില ₹5,999 ആണ്. കൂടാതെ 45W കേബിൾഡ് 20,000mAh പവർബാങ്ക് ₹2,799 എന്ന വിലയിലും കമ്പനി പുറത്തിറക്കി.