ഹാൻഡ്ഫ്രീ അസിസ്റ്റന്റ് നല്‍കുന്ന ഓഡിയോ ​ഗ്ലാസുകൾ അവതരിപ്പിച്ച് ​ഗൂ​ഗിൾ

കാലിഫോർണിയ : മെറ്റയുടെ റേ ബാൻ ​ഗ്ലാസുകൾക്ക് വെല്ലുവിളിയുയർത്തി ഓഡിയോ ​ഗ്ലാസുകൾ അവതരിപ്പിച്ച് ​ഗൂ​ഗിൾ. മൈക്രോഫോൺ, ക്യാമറ, സ്പീക്കർ എന്നിവ ഉൾക്കൊള്ളുന്നതാണ് ​ഗൂ​ഗിളിന്റെ ഓഡിയോ ​ഗ്ലാസുകൾ.

കണ്ണുകൾക്ക് മുന്നിൽ ദൃശ്യങ്ങൾ വ്യക്തമാകുന്ന ചെയ്യുന്ന ഡിസ്പ്ലേ ​ഗ്ലാസുകളും പുറത്തിറക്കിയിട്ടുണ്ട്. ജെമിനി എഐയുടെ സഹായത്തോടെ ഹാൻഡ്ഫ്രീ അസിസ്റ്റന്റ് നൽകുന്നതാണ് ഓഡിയോ ​ഗ്ലാസിന്റെ പ്രത്യേകത. ഉപയോക്താക്കൾക്ക് കോൾ ചെയ്യാനും പാട്ട് കേൾക്കാനും, ജെമിനി എഐ അസിസ്റ്റന്റുമായി ചാറ്റ് ചെയ്യാനും ഫോട്ടോയെടുക്കാനുമെല്ലാം ഓഡിയോ ​ഗ്ലാസുകളിലൂടെ കഴിയുന്നു.

ഈ വർഷം അവസാനം സ്മാർട്ട് ​ഗ്ലാസുകൾ വിപണിയിലെത്തുമെന്നാണ് റിപ്പോർട്ട്. അതേസമയം, ഇവയുടെ വിലയോ പുറത്തിറങ്ങുന്ന കൃത്യമായ തീയതിയോ ​ഗൂ​ഗിൾ പ്രഖ്യാപിച്ചിട്ടില്ല. കാലിഫോർണിയയിലെ മൗണ്ടൻ വ്യൂ ആസ്ഥാനത്ത് നടന്ന ​ഗൂ​ഗിൾ ഡെവലപ്പർ കോൺഫെറൻസിലാണ് സ്മാർട്ട ​ഗ്ലാസുകളുടെ അനാച്ഛാദനം നടന്നത്. ​ഗ്ലാസുമായി ബന്ധപ്പെട്ട സാങ്കേതിക പ്രവർത്തനങ്ങൾ കൈകാര്യം ചെയ്യുന്നത് സാംസങ് ആണ് എന്നാണ് ലഭിക്കുന്ന വിവരം.