ഓഹരി വിപണിയിലേക്ക് കടക്കാനൊരുങ്ങി ആന്ത്രോപിക്

ലണ്ടൻ: ലോകത്തിലെ ഏറ്റവും മൂല്യമേറിയ എഐ സ്റ്റാർട്ട് അപ് എന്ന പദവി സ്വന്തമാക്കിയതിന് പിന്നാലെ ഓഹരി വിപണിയിലേക്ക് കടക്കാനൊരുങ്ങി ആന്ത്രോപിക്.

അടുത്തിടെ ഒരു ഐടി കമ്പനി നടത്തുന്ന ഏറ്റവും വലിയ ഓഹരി പ്രവേശനമായിരിക്കും ആന്ത്രോപിക്കിന്റെ നീക്കമെന്നാണ് സാമ്പത്തിക വിദ​ഗ്ധർ വിലയിരുത്തുന്നത്. പ്രഥമ ഓഹരി വിൽപ്പനക്കുള്ള നടപടിക്രമങ്ങൾ കമ്പനി അതീവരഹസ്യമായി പൂർത്തിയാക്കിയതായി റിപ്പോർട്ടുകൾ സൂചിപ്പിക്കുന്നു. എഐ പ്രോജക്ടിന് ആവശ്യമായ കമ്പ്യൂട്ടിങ് ഇൻഫ്രാസ്ട്രക്ചർ ഉൾപ്പെടെ ഉയർന്ന നിക്ഷേപമാണ് ആ​ഗോള ടെക് ഭീമന്മാരായ ​ഗൂ​ഗിളും ആമസോണും ആന്ത്രോപിക്കിൽ നടത്തിയിരിക്കുന്നത്.

സൈബർ സുരക്ഷ ഉറപ്പാക്കുന്ന എഐ ക്ലോഡ് ചാറ്റ്ബോട്ടുകൾ വികസിപ്പിച്ചതാണ് ആന്ത്രോപിക്കിനെ വിപണിയിൽ തരം​ഗമാക്കിയത്. നിരവധി ടെക് കമ്പനികൾ ആന്ത്രോപിക്കിൽ നിക്ഷേപം നടത്തിയിട്ടുണ്ട്.