വിംബിൾഡൺ പ്രി-ക്വാർട്ടർ; സബലേങ്ക - നഓമി ഒസാക പോരാട്ടം ഇന്ന്‌

ലണ്ടൻ : ടെന്നീസ് ലോകം കാത്തിരുന്ന ആവേശപ്പോരാട്ടത്തിന് വിംബിൾഡൺ നാലാം റൗണ്ട് (പ്രി ക്വാർട്ടർ) വേദിയാകുന്നു. വനിതാ സിംഗിൾസിൽ നിലവിലെ കരുത്തരായ ബെലാറസിന്റെ അരീന സബലേങ്കയും ജപ്പാൻ താരം നഓമി ഒസാകയും ഇന്ന് നേർക്കുനേർ. കരുത്തുറ്റ സർവുകളും ബേസ്‌ലൈൻ റാലികളും കൊണ്ട് ടെന്നീസ് കോർട്ടിനെ പ്രകമ്പനം കൊള്ളിക്കുന്ന ഇരുതാരങ്ങളും ഏറ്റുമുട്ടുന്നത് കാത്തിരിക്കുകയാണ് ടെന്നീസ് ലോകം.

ഇരുതാരങ്ങളും തമ്മിലുള്ള മത്സര ചരിത്രവും സമീപകാല ഫോമും പരിശോധിച്ചാൽ അരീന സബലേങ്കയ്ക്കാണ് വ്യക്തമായ മേൽക്കൈ ഉള്ളത്. ഇതുവരെ നാല് തവണയാണ് ഇരുവരും ഏറ്റുമുട്ടിയിട്ടുള്ളത്. അതിൽ 3-1ന് സബലങ്കയാണ് മുന്നിൽ. ഈ സീസണിൽ മാത്രം മൂന്ന് തവണ ഇരുവരും നേർക്കുനേർ വന്നപ്പോഴും വിജയം സബലേങ്കയ്ക്കൊപ്പമായിരുന്നു. ഒസാകയുടെ ശക്തമായ തിരിച്ചുവരവിനായുള്ള ശ്രമങ്ങളെ തന്ത്രപരമായ മികവോടെയാണ് ബെലാറസ് താരം പ്രതിരോധിച്ചത്.

നിലവിലെ കണക്കുകൾ സബലേങ്കയ്ക്ക് അനുകൂലമാണെങ്കിലും ഈ മത്സരത്തെ പ്രവചനാതീതമാക്കുന്ന ഒരു പ്രധാന ഘടകമുണ്ട് ഇരുവരും ഇതുവരെ പുൽകോർട്ടിൽ നേർക്കുനേർ കളിച്ചിട്ടില്ല എന്നതാണത്.

ഹാർഡ് കോർട്ടിലും ക്ലേ കോർട്ടിലും കളിക്കുന്നതിൽ നിന്നും തികച്ചും വ്യത്യസ്തമാണ് വിംബിൾഡണിലെ വേഗതയേറിയ പുൽത്തകിടി. പന്തിന് ബൗൺസ് കുറവും വേഗത കൂടുതലുമുള്ള ഇവിടെ ആര് മാച്ചിൽ ആദ്യം താളം കണ്ടെത്തുന്നുവോ അവർക്ക് മത്സരത്തിൽ മേൽക്കൈ നേടാനാകും. ഒസാകയുടെ കരിയറിലെ ഭൂരിഭാഗം നേട്ടങ്ങളും ഹാർഡ് കോർട്ടിലാണെങ്കിൽ വിംബിൾഡണിൽ മുൻപ് സെമിഫൈനലിൽ വരെ കളിച്ച പരിചയസമ്പത്ത് സബലേങ്കയ്ക്കുണ്ട്.

നിലവിൽ മികച്ച ഫോമിലുള്ള സബലേങ്കയ്ക്ക് പുൽകോർട്ടിലെ പരിചയസമ്പത്തുകൊണ്ടു തന്നെ പവർ ഗെയിം പുറത്തെടുക്കാൻ സാധിക്കും. സമ്മർദ്ദഘട്ടങ്ങളിലെ അനാവശ്യ പിഴവുകളാണ് പലപ്പോഴും താരത്തിന് വെല്ലുവിളിയാകാറുള്ളത്.

ശക്തമായ ഫോർഹാൻഡും സർവുകളുമാണ് നഓമിയുടെ പ്രത്യേകത. കരിയറിലെ മികച്ച തിരിച്ചുവരവിനൊരുങ്ങി ഫോം മെച്ചപ്പെടുത്തി വിംബിൾഡണിലെത്തിയ നഓമിക്ക് പുൽകോർട്ടിലെ പരിചയക്കുറവ് മാത്രമാണ് വെല്ലുവിളി.

ഈ വർഷത്തെ തുടർച്ചയായ വിജയങ്ങളുടെ ആത്മവിശ്വാസത്തിൽ കോർട്ടിലിറങ്ങുന്ന അരീന സബലേങ്കയ്ക്കാണ് മത്സരത്തിൽ നേരിയ മുൻതൂക്കം. എന്നിരുന്നാലും വിംബിൾഡണിലെ വേഗമേറിയ പുൽകോർട്ടിലൂടെ കരിയറിലെ തന്റെ ഏറ്റവും മികച്ച ഫോമിലേക്ക് തിരിച്ചെത്താൻ ശ്രമിക്കുന്ന നഓമിയെ കുറച്ചുകാണാനും കഴിയില്ല. SEO 6-7 headlines, SEO slug, SEO keywords with comma, Social media captions, creative headlines for this news,