ചൈന ഓപ്പൺ ടെന്നിസ്: നവോമി ഒസാക പ്രീക്വാർട്ടറിൽ

ബെയ്ജിങ് : ചൈന ഓപ്പൺ ടെന്നിസിൽ ജപ്പാന്റെ നവോമി ഒസാക പ്രീക്വാർട്ടറിൽ. ഞായറാഴ്ച നടന്ന മൂന്നാം റൗണ്ട് മത്സരത്തിൽ ചെക്ക് താരം സാറ ബെജ്ലെക്കിനെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് 12-ാം സീഡായ ഒസാക അവസാന 16ൽ ഇടം നേടിയത്. സ്കോർ 7-6 (7-4), 6-4.

രണ്ട് മണിക്കൂറും ഒരു മിനിറ്റും നീണ്ട മത്സരത്തിൽ 20-ാം സീഡായ ബെജ്ലെക്ക് ഒസാകയ്ക്ക് കടുത്ത വെല്ലുവിളി ഉയർത്തി. ഇരുവരും തമ്മിലുള്ള ആദ്യ മത്സരമായിരുന്നു ഇത്. ഡബ്ല്യുടിഎ 1000 ടൂർണമെന്റായ ചൈന ഓപ്പൺ ഔട്ട്ഡോർ ഹാർഡ് കോർട്ടിലാണ് നടക്കുന്നത്. നാല് ഗ്രാൻഡ് സ്ലാം കിരീടങ്ങൾ നേടിയിട്ടുള്ള താരമാണ് ഒസാക.