യുഎസ് ഓപ്പൺ: പോർച്ചുഗലിന്റെ ഫാരിയയെ വീഴ്ത്തി കാർലോസ് അൽകാരസ് മൂന്നാം റൗണ്ടിൽ

ന്യൂയോർക്ക് : യുഎസ് ഓപ്പൺ പുരുഷ സിംഗിൾസിൽ നിലവിലെ ചാമ്പ്യനും രണ്ടാം സീഡുമായ സ്പാനിഷ് താരം കാർലോസ് അൽകാരസ് മൂന്നാം റൗണ്ടിൽ പ്രവേശിച്ചു. ആദ്യ സെറ്റ് നഷ്ടപ്പെട്ടതിന് ശേഷം ശക്തമായി തിരിച്ചുവന്ന അൽകാരസ്, പോർച്ചുഗലിന്റെ ജെയിം ഫാരിയയയെ തോൽപ്പിച്ചാണ് മുന്നേറിയത്. സ്കോർ: 4-6, 6-0, 6-3, 6-2.

വലതുകൈയിലെ പരിക്കിനെ തുടർന്ന് അഞ്ച് മാസത്തോളം വിശ്രമത്തിലായിരുന്ന 23കാരനായ അൽക്കാരാസിന് മത്സരത്തിന്റെ തുടക്കത്തിൽ ഫോം കണ്ടെത്താൻ അല്പം പ്രയാസപ്പെടേണ്ടി വന്നു. ആർതർ ആഷേ സ്റ്റേഡിയത്തിൽ നടന്ന മത്സരത്തിൽ ആദ്യ സെറ്റ് ലോക 72-ാം നമ്പർ താരമായ ഫാരിയ സ്വന്തമാക്കി. എന്നാൽ രണ്ടാം സെറ്റിൽ എതിരാളിക്ക് ഒരു പോയിന്റ് പോലും വിട്ടുകൊടുക്കാതെ (6-0) തിരികെ വന്ന അൽകാരസ്, അടുത്ത സെറ്റുകളിലും ആധിപത്യം നിലനിർത്തി വിജയം ഉറപ്പിച്ചു.

ചൈനയുടെ വു യിബിംഗ് ആണ് മൂന്നാം റൗണ്ടിൽ അൽക്കാരാസിന്റെ എതിരാളി. മറ്റ് രണ്ടാം റൗണ്ട് മത്സരങ്ങളിൽ അമേരിക്കയുടെ ബെൻ ഷെൽട്ടൺ പോളണ്ടിന്റെ ഹ്യൂബർട്ട് ഹുർകാച്ചിനെയും, ഫ്രാൻസിസ് തിയാഫോ ജപ്പാന്റെ റെയ് സകാമോട്ടോയെയും പരാജയപ്പെടുത്തി മൂന്നാം റൗണ്ടിലെത്തി.

അമേരിക്കൻ താരം ടോമി പോൾ ക്രൊയേഷ്യയുടെ ഡിനോ പ്രിസ്മിച്ചിനെയും, കസാഖ്സ്ഥാന്റെ അലക്സാണ്ടർ ബുബ്ലിക് ഫ്രഞ്ച് താരം അഡ്രിയാൻ മന്നാരിനോയെയും തോൽപ്പിച്ചു. അതേസമയം 12-ാം സീഡായ സ്പെയിന്റെ റാഫേൽ ജോഡാർ ചൈനയുടെ ബു യുൻചാവോകെറ്റെയോട് തോറ്റ് പുറത്തായി.