അൽകാരസ്‌ ഫൈനലിൽ

പാരിസ്‌

പുരുഷ ഫൈനലിൽ കിരീടം നിലനിർത്താൻ സ്‌പാനിഷ്‌ താരം കാർലോസ്‌ അൽകാരസ്‌ നാളെ ഇറങ്ങും. സെമിയിൽ ഇറ്റലിയുടെ ലോറെൻസോ മുസെറ്റിയെ കീഴടക്കി. പരിക്കുമൂലം മുസെറ്റി പിൻമാറുമ്പോൾ അൽകാരസ്‌ 4–-6, 7–-6, 6–-0, 2–-0ന്‌ മുന്നിലായിരുന്നു.

രണ്ട്‌ മണിക്കൂറിലേറെ നീണ്ട കളിയിൽ തുടക്കത്തിൽ മുസെറ്റി ചാമ്പ്യനെ നിഷ്‌പ്രഭമാക്കി. രണ്ടാം സെറ്റിലും പിടിമുറുക്കിയെങ്കിലും 22 വയസ്സുള്ള അൽകാരസ്‌ തിരിച്ചുവന്നു.

മൂന്നാം സെറ്റിൽ 23 വയസ്സുള്ള മുസെറ്റിക്ക്‌ നിലംതൊടാനായില്ല. നാലാം സെറ്റിൽ അൽകാരസ്‌ ലീഡ്‌ ഉറപ്പിച്ചതോടെ മുസെറ്റി പിൻവാങ്ങി.

യാനിക്‌ സിന്നെർ–- നൊവാക്‌ ജൊകോവിച്ച്‌ മത്സരവിജയികളെയാണ്‌ നാളെ വൈകിട്ട്‌ കിരീടപ്പോരിൽ അൽകാരസ്‌ നേരിടുക.