യുഎസ് ഓപ്പൺ; സബലേങ്ക ക്വാർട്ടർ ഫൈനലിൽ, ടൗൺസെൻഡിനെ വീഴ്ത്തി

ന്യൂയോർക്ക് : യുഎസ് ഓപ്പൺ വനിതാ സിം​ഗിൾസിൽ ലോക ഒന്നാം നമ്പർ താരം അരീന സബലേങ്ക ക്വാർട്ടർ ഫൈനലിൽ പ്രവേശിച്ചു. നാലാം റൗണ്ടിലെ പോരാട്ടത്തിൽ യുഎസ്എയുടെ ടെയ്ലർ ടൗൺസെൻഡിനെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് സബലേങ്ക അവസാന എട്ടിലെത്തിയത്. സ്കോർ : 6-4, 6-3.

ഒരു മണിക്കൂർ 15 മിനിറ്റ് നീണ്ടുനിന്ന മത്സരത്തിൽ രണ്ടാം സെറ്റിൽ ഒരു ഘട്ടത്തിൽ സബലേങ്ക 1-3 ന് പിന്നിലായിരുന്നു. മികച്ച തിരിച്ചുവരവിലൂടെ തുടർച്ചയായി ​ഗെയിമുകൾ സ്വന്തമാക്കിയാണ് സബലേങ്ക ക്വാർട്ടറിലെത്തിയത്. രണ്ടുതവണ ചാമ്പ്യനായ സബലേങ്ക ന്യൂയോർക്കിൽ നേടുന്ന തുടർച്ചയായ 17ാമത് വിജയമാണിത്. കൂടാതെ കരിയറിലെ 17ാമത്തെ ​ഗ്രാൻഡ്സ്ലാം ക്വാർട്ടർ ഫൈനൽ പ്രവേശവുമാണ്. ഇതിൽ ആറെണ്ണവും യുഎസ് ഓപ്പണിലാണ്. അതേസമയം ലോക ഒന്നാം നമ്പർ സ്ഥാനം ‌നിലനിർത്തണമെങ്കിൽ സബലേങ്കക്ക് മൂന്നാം വർഷവും യുഎസ് ഓപ്പൺ കിരീടം നേടുകയോ, ക്വാർട്ടർ ഫൈനലിൽ എലീന റൈബാക്കിന പുറത്താവുകയോ വേണം.

സെമിയിൽ സബലേങ്ക വിംബിൾഡൺ ചാമ്പ്യനും ആറാം നമ്പർ സീഡുമായ ലിൻഡ നോസ്കോവയെയോ അല്ലെങ്കിൽ അവസാന 11ാം നമ്പർ സീഡായ മാർട്ട കോസ്റ്റ്യുക്കിനെയോ നേരിടും.