യുഎസ് ഓപ്പൺ വനിതാ സിംഗിൾസ് കിരീടം നിലനിർത്തി സബലെങ്ക

ന്യൂയോർക്ക്: യുഎസ് ഓപ്പൺ വനിതാ സിംഗിൾസ് കിരീടം ചൂടി അറീന സബലെങ്ക. ഫൈനലിൽ യുഎസ് താരം അമാൻഡ അനിസിമോവയെ നേരിട്ടുള്ള സെറ്റുകൾക്കാണ് ബെലാറസുകാരി തറപറ്റിച്ചത്. സ്കോർ: 3–6, 6–7 (3–7). ഇതോടെ സെറീന വില്യംസിനു ശേഷം തുടർച്ചയായി രണ്ടു തവണ യുഎസ് ഓപ്പൺ വനിതാ സിംഗിൾസ് കിരീടം നേടുന്ന ആദ്യ താരമായി സബലെങ്ക. സബലെങ്കയുടെ നാലാം ഗ്രാൻഡ്സ്ലാം കിരീടമാണിത്.

ആവേശകരമായ ഫൈനൽ ഒരു മണിക്കൂർ 34 മിനിറ്റ് നീണ്ടു. കളിയുടെ ആദ്യ ​ഗെയിമുകൾ സബലെങ്ക ജയിച്ചപ്പോൾ, തുടർച്ചയായ രണ്ട് ​ഗെയിമുകൾ പിടിച്ചെടുത്ത് അമാൻഡയും തിരിച്ചടിച്ചു. പിന്നീട് ഓരോ ​ഗെയിമുകൾ ജയിച്ച് ഇരുവരും തുല്യത പാലച്ചെങ്കിലും തുടർന്നുള്ള മൂന്നു ​ഗെയിമുകളും ജയിച്ചാണ് സബലെങ്ക ആദ്യ സെറ്റ് സ്വന്തമാക്കിയത്. രണ്ടാം സെറ്റിൽ പോരാട്ടവും കടുപ്പമേറി. ടൈബ്രേക്കറിലാണ് സബലെങ്ക വിജയം പിടിച്ചെടുത്തത്.