ദേശീയ സീനിയർ അത്‌ലറ്റിക്‌ മീറ്റിന് തുടക്കം; ഹാട്രിക്‌ കിരീട പ്രതീക്ഷയുമായി കേരളം

kerala.jpg

ഹരിയാനയിലെ ഭിവാനിയിൽ ആരംഭിച്ച ദേശീയ സീനിയർ (അണ്ടർ 19) സ്‌കൂൾ അത്‌ലറ്റിക്‌ മീറ്റ് ഉദ്ഘാടന ചടങ്ങിലെ മാർച്ച് പാസ്റ്റിൽ കേരള താരങ്ങൾ| ഫോട്ടോ പി വി സുജിത്

വെബ് ഡെസ്ക്

Published on Nov 26, 2025, 11:14 AM | 1 min read

ഭിവാനി (ഹരിയാന): ഹരിയാനയിലെ ഭിവാനിയിൽ ദേശീയ സീനിയർ (അണ്ടർ 19) സ്‌കൂൾ അത്‌ലറ്റിക്‌ മീറ്റിന് മാർച്ച് പാസ്റ്റോടെ തുടക്കം. മാർച്ച് പാസിൽ മീറ്റിൽ പങ്കെടുക്കുന്ന മുഴുവൻ സംസ്ഥാനങ്ങളിൽ നിന്നുമുള്ള കായികതാരങ്ങൾ പങ്കെടുത്തു. നിശ്ചയിച്ച സമയത്തിൽ നിന്ന് വൈകിയാണ് മീറ്റ് ആരംഭിച്ചത്. ഉച്ചയോടെയാണ് മത്സരങ്ങൾ ആരംഭിക്കും. 3000 ത്തോളം കായികതാരങ്ങൾ പങ്കെടുക്കുന്ന മീറ്റിൽ 40 ഇനങ്ങളിലാണ് മത്സരം ഉള്ളത്. ദിവാനിയിലെ സ്റ്റേഡിയത്തിൽ നടക്കുന്ന മീറ്റ് നവംബർ 30 വരെ നീളും.


കഴിഞ്ഞ രണ്ടുതവണയും ജേതാക്കളായി കേരളം ഹാട്രിക് കിരീട പ്രതീക്ഷയോടെയാണ് ഇത്തവണ മേളയ്ക്കെത്തിയത്. ഇക്കുറി 71 അംഗസംഘമാണ്‌. 39 ആൺകുട്ടികളും 32 പെൺകുട്ടികളുമാണ്‌ ടീമിലുള്ളത്‌. കഴിഞ്ഞതവണ റാഞ്ചിയിൽ ആറ്‌ വീതം സ്വർണവും വെള്ളിയും നാല്‌ വെങ്കലവുമടക്കം 138 പോയിന്റുമായാണ്‌ കേരളം കിരീടം നിലനിർത്തിയത്‌. ആതിഥേയരായ ഹരിയാന, മഹാരാഷ്‌ട്ര, തമിഴ്‌നാട്‌ ടീമുകളാണ്‌ വെല്ലുവിളി. 2024ൽ രണ്ടും മൂന്നും സ്ഥാനങ്ങളിലെത്തിയ മഹാരാഷ്ട്ര, തമിഴ്നാട് ടീമുകൾ മികച്ചതാണ്‌. ഭുവനേശ്വറിൽ നടന്ന ദേശീയ ജൂനിയർ മീറ്റിൽ ചാമ്പ്യന്മാരായ തമിഴ്നാട് സ്‌കൂൾ മീറ്റിലും മികച്ച പ്രകടനത്തിനാണ്‌ എത്തിയിട്ടുള്ളത്‌.


കാലാവസ്ഥ താരങ്ങളുടെ പ്രകടനത്തെ ബാധിക്കുമോയെന്ന ആശങ്കയുണ്ട്‌. ഹരിയാനയിൽ ശൈത്യകാലത്തിന്റെ ആരംഭമാണ്‌. തണുപ്പ്‌ ശക്തമല്ലാത്തതിനാൽ തിരിച്ചടിയുണ്ടാവില്ലെന്ന പ്രതീക്ഷയിലാണ്‌ കേരളസംഘം. ഇ‍ൗ സമയങ്ങളിൽ എട്ട്‌ ഡിഗ്രി വരെ താപനില താഴ്‌ന്നേക്കും. പകൽ സമയങ്ങളിൽ 23 ഡിഗ്രിയും രാത്രിയിൽ 14 ഡിഗ്രിയുമാണ്‌ നിലവിൽ രേഖപ്പെടുത്തുന്ന താപനില. പ്രദേശത്തെ വായുഗുണനിലവാര സൂചിക ‘അതീവമോശം’ വിഭാഗത്തിൽ തുടരുന്നതും മീറ്റിനെ ബാധിച്ചേക്കും.


ആദ്യദിനം രണ്ട് ഫൈനലുണ്ട്‌. പെൺകുട്ടികളുടെ ഹാമർ ത്രോയും ആൺകുട്ടികളുടെ ട്രിപ്പിള്‍ ജമ്പും. പാലക്കാട് വടവന്നൂർ വിഎംഎച്ച്എസ്എസിലെ പ്ലസ്ടു വിദ്യാർഥിയായ പല്ലവി സന്തോഷ് ഹാമർ ത്രോയിലെ മെഡൽ പ്രതീക്ഷയാണ്. മലപ്പുറം ആലത്തിയൂർ കെഎച്ച്എംഎച്ച്എസിലെ എം റിഥയാണ് മറ്റൊരു മത്സരാർത്ഥി. ട്രിപ്പിൽ ജമ്പിൽ മലപ്പുറം ഐഡിയൽ കടകശേരിയിലെ കെ മുഷ്‌താഖും മലപ്പുറം തവനൂർ കെഎൻജിവിഎച്ച്എസ്എസിലെ അക്ഷയ് ജിത്തും കേരളത്തിനായി ഇറങ്ങും. നൂറു മീറ്റർ ഓട്ടത്തിന്റെ പ്രാഥമിക റ‍ൗണ്ടുകൾ ഇന്നുണ്ട്‌. മെഡൽ പ്രതീക്ഷിക്കുന്ന ആദിത്യ അജി, ജെ നിവേദ് കൃഷ്ണ എന്നിവരുണ്ട്‌.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home