print edition ഖേലോ ഇന്ത്യ ഗെയിംസ്‌ ; ബാസ്‌കറ്റ്‌ബോളിൽ എം ജി

​ജയ്‌പുർ

ഖേലോ ഇന്ത്യ യൂണിവേഴ്‌സിറ്റി ഗെയിംസിൽ വനിതകളുടെ ബാസ്‌കറ്റ്‌ബോളിൽ കോട്ടയം എം ജി സർവകലാശാല ജേതാക്കളായി. ഫൈനലിൽ ചെന്നൈ എസ്‌ആർഎം യൂണിവേഴ്‌സിറ്റിയെ തോൽപിച്ചു(74–60).

അക്ഷയ ഫിലിപ്പ് 17 പോയിന്റുമായി ടോപ്‌സ്‌കോററായി. സി വി സണ്ണി പരിശീലിപ്പിച്ച ടീമിന്റെ ക്യാപ്‌റ്റൻ സാന്ദ്ര ഫ്രാൻസിസാണ്‌. ​അക്ഷയ ഫിലിപ്പ്, ഐറിൻ എൽസ ജോൺ, പി കെ അതിരദാസ്, ടെസ ഹർഷൻ, എ അജിന, എസ്‌ എസ്‌ കൃഷ്‌ണ പ്രിയ, എൽഡിന ആൻ ജോസഫ്, റീമ ​​റൊണാൾഡ്, ജീവമോൾ സണ്ണി, പി കെ ഐശ്വര്യ പി കെ, ആദ്ര സേവ്യർ എന്നിവരാണ്‌ ടീം അംഗങ്ങൾ.

പുരുഷ ഫുട്‌ബോളിൽ കാലിക്കറ്റ്‌ സർവകലാശാല ജേതാക്കളായി. അത്‌ലറ്റിക്‌സിൽ എംജിയ്‌ക്ക്‌ രണ്ട്‌ സ്വർണവും ഓരോ വെള്ളിയും വെങ്കലവുമുണ്ട്‌. കലിക്കറ്റിന്‌ രണ്ട്‌ വെള്ളിയും മൂന്ന്‌ വെങ്കലവും കിട്ടി.