ഇന്ത്യയ്ക്ക് നിരാശ; മലേഷ്യൻ ഓപ്പണിൽ പി വി സിന്ധു പുറത്ത്

കോലാലംപുർ: മലേഷ്യൻ ഓപ്പൺ ബാഡ്‌മിന്റണിൽ ഇന്ത്യയുടെ പി വി സിന്ധു പുറത്ത്. സെമിയിൽ ചൈനയുടെ വാങ് സി യിയോടാണ് താരം തോറ്റത്. നേരിട്ടുള്ള ഗെയിമുകളിലായിരുന്നു തോൽവി. സ്കോർ: 21–16, 21–15.

ക്വാർട്ടറിൽ ലോക ചാമ്പ്യനായ ജാപ്പനീസ്‌ താരം അകാനെ യമാഗുചി പരിക്കേറ്റ്‌ പുറത്തായതിനെതുടർന്നാണ്‌ സിന്ധു സെമിയിലേക്ക് കുതിച്ചത്. പതിനെട്ടാം റാങ്കിലേക്ക്‌ കൂപ്പുകുത്തിയ സിന്ധു കുറച്ചുകാലമായി പരിക്കിന്റെ പിടിയിലായിരുന്നു. എട്ട്‌ വർഷത്തെ ഇടവേളക്കുശേഷമാണ്‌ മലേഷ്യൻ ഓപ്പണിൽ സെമിയിലെത്തുന്നത്‌.