ഏഷ്യാകപ്പ്‌ ഹോക്കി: ഇന്ത്യൻ വനിതകളും ഫൈനലിൽ

മോഖി (ചൈന): ജൂനിയർ പെൺകുട്ടികളുടെ ഏഷ്യാകപ്പ്‌ ഹോക്കിയിൽ ഇന്ത്യ ഫൈനലൽ. ദക്ഷിണകൊറിയയെ 3–1ന്‌ കീഴടക്കി. സുപ്രിയ ഹാട്രിക് പ്രകടനമാണ് ഇന്ത്യയ്ക്ക് കരുത്തായത്. മധു സിദാർ, സുഖ്വീർ കൗർ എന്നിർ ഓരോ ​ഗോളും നേടി. ചൈനയും ജപ്പാനും തമ്മിലുള്ള രണ്ടാം സെമിഫൈനലിലെ വിജയികളെ ഇന്ത്യ ഫൈനലിൽ നേരിടും. തുടർച്ചയായ മൂന്നാം കിരീടമാണ് ഇന്ത്യയുടെ ലക്ഷ്യം.

ആദ്യ ക്വാർട്ടറിൽ 13-ാം മിനിറ്റിൽ മധു സിദാറിലൂടെ ഇന്ത്യ ലീഡ് നേടി തുറന്നു. തുടർന്ന് 17-ാം മിനിറ്റിൽ സുപ്രിയ ഇന്ത്യയുടെ ലീഡ് ഇരട്ടിയാക്കി. തുടർന്ന് 33, 56 മിനിറ്റുകളിൽ കൂടി ഗോൾ നേടിയ സുപ്രിയ ഹാട്രിക് പൂർത്തിയാക്കി. 21-ാം മിനിറ്റിൽ സുഖ്വീർ കൗർ ഇന്ത്യയ്ക്കായി ​ഗോൾ നേടിയപ്പോൾ 41-ാം മിനിറ്റിൽ ജിയോങ് യൂറിയിലൂടെ ദക്ഷിണ കൊറിയ ആശ്വാസ ​ഗോൾ മടക്കി.

ജൂനിയർ ആൺകുട്ടികളുടെ ഏഷ്യാകപ്പ്‌ ഹോക്കിയിലും ഇന്ത്യ ഫൈനലിൽ കടന്നിരുന്നു. മലേഷ്യയെ 3–1ന്‌ കീഴടക്കി. ക്യാപ്‌റ്റൻ അൻമോൽ എക്ക രണ്ട്‌ ഗോളടിച്ചു. സുഖ്‌വീന്ദർ പട്ടിക പൂർത്തിയാക്കി.