വീണ്ടും മെസി മാജിക്; കാമ്പിയോൺസ് കപ്പുയർത്തി ഇന്റർ മയാമി

മയാമി: ഇതിഹാസതാരം ലയണൽ മെസിയുടെ കരുത്തിൽ ക്രൂസ് അസൂലിനെ വീഴ്ത്തി ഇന്റർമയാമി കാമ്പിയോൺസ് കപ്പ് ജേതാക്കളായി. എതിരില്ലാത്ത രണ്ട് ​ഗോളുകൾക്കായിരുന്ന കിരീടനേട്ടം. മെസിക്ക് ഇത് തന്റെ ഫുട്ബോൾ കരിയറിലെ 48-ാം കിരീടമാണ്. ഇന്റർമയാമി ജഴ്സിയിൽ താരം 100 ​ഗോൾ നേട്ടവും ഈ മത്സരത്തിൽ സ്വന്തമാക്കി.

ലൂയിസ് സുവാരസിന്റെ പാസിൽ നിന്ന് 24-ാം മിനിറ്റിൽ ഹെഡറിലൂടെയാണ് മെസി ഗോൾ വേട്ടയ്ക്ക് തുടക്കമിട്ടത്. മെസിയുടെ കോർണർ കിക്കിൽ നിന്ന് 81-ാം മിനിറ്റിൽ ഹെഡറിലൂടെ ബ്രസീലിയൻ താരം കാസെമിറോ സ്കോർ 2-0 ആക്കി ഉയർത്തി. കാസെമിറോ തന്റെ അവസാന അഞ്ച് മത്സരങ്ങളിൽ നാല് ഗോളുകൾ നേടി.

മെസിയുടെ വരവിനുശേഷം മൂന്ന് വർഷത്തിനുള്ളിൽ നേടുന്ന മറ്റൊരു കിരീടനേട്ടമാണ് കാംപിയോണസ് കപ്പ്. 2023ൽ ലീഗ്സ് കപ്പും, 2024ൽ സപ്പോർട്ടേഴ്‌സ് ഷീൽഡും, 2025ൽ എംഎൽഎസ് കപ്പും മയാമി നേടിയിരുന്നു.