സ്വന്തം തട്ടകത്തിൽ തകർന്നടിഞ്ഞ് ലിവർപൂൾ

ലണ്ടൻ: പ്രീമിയർ ലീ​ഗിൽ സ്വന്തം തട്ടകത്തിൽ തകർന്നടിഞ്ഞ് ലിവർപൂൾ. ആൻഫീൽഡിൽ നടന്ന മത്സരത്തിൽ നോട്ടിങ്ഹാമിനോട് എതിരില്ലാത്ത മൂന്ന് ​ഗോളിനാണ് ടീം തോറ്റത്. നോട്ടിങ്ഹാമിനായി മുറീലോ, നിക്കോളോ സാവോണ, മോർഗൻ ഗിബ്സ് വൈറ്റ് എന്നിവരാണ് വലകുലുക്കിയത്.

കഴിഞ്ഞ കളിയിൽ മാഞ്ചസ്റ്റർ സിറ്റിയോട് ഏറ്റ പരാജയത്തിന്റെ ഭാരത്തിൽ കളത്തിലിറങ്ങിയ ലിവർപൂളിന് ആൻഫീൽഡിൽ തൊട്ടതെല്ലാം പിഴക്കുന്നതാണ് കണ്ടത്. കളിയുടെ 33-ാം മിനിറ്റിൽ മുറീലോ സനോട്ടിങ്ഹാമിനായ ലീഡ് നേടി. രണ്ടാം പകുതിയിലും സന്ദർശകർ കരുത്ത് കാട്ടി. 46-ാം മിനിറ്റിൽ രണ്ടാം ​ഗോൾ നേടി ടീം ലിവർപൂളിനെ ഞെട്ടിച്ചു. നിക്കോളോ സാവോണയാണ് ഇത്തവണ വലകുലുക്കിയത്. ഗോൾ മടക്കാൻ ലിവർപൂൾ പൊരുതിയെങ്കിലും നോട്ടിങ്ഹാം പ്രതിരോധം കടക്കാനായില്ല. 78-ാം മിനിറ്റിൽ മോർഗൻ ഗിബ്സ് വൈറ്റ് കൂടി ​ഗോൾ നേടിയപ്പോൾ ലിവർപൂൾ തകർന്നടിഞ്ഞു.

പുതിയ സീസണിൽ ഇതോടെ ലിവർപൂളിന് ആറാം തോൽവിയാണിത്. 12 മത്സരത്തിൽ നിന്ന് 18 പോയന്റുമായി 11-ാം സ്ഥാനത്താണ് ടീം.